លោក ទ្រាវ័រ ប៊ៃនុន (Treavers Beynon) សេដ្ឋីផ្នែកថ្នាំជក់មួយរូប បានចាយលុយ ដើម្បីបង្កើតរឿងដ៏សប្បាយៗ ហើយ​បានបង្ហោះរឿងនេះ តាមរយៈរូបថតមួយសន្លឹក ប្រាប់ដល់គេឯង ពាសពេញបណ្ដាញអ៊ិនធើណែត។ មានប្រាក់ ធ្វើអ្វីក៏​បាន ហើយចង់សប្បាយ យ៉ាងម៉េចក៏បាន ជាមួយនឹងការជប់លៀង ផឹកស៊ីច្រៀងរាំ ដែលកើតមាន មិនស្រាកស្រាន្ដ។

យ៉ាងណាក៏ដោយ ក៏លោក ប៊ៃនុន ចង់រក្សាទុករូបភាពដ៏ល្អមួយ សម្រាប់កូនទាំងបួនរបស់លោក និងជាស្វាមីដ៏​ត្រឹម​ត្រូវ​មួយ សម្រាប់ភរិយាក្រោយ របស់លោកដែរ។ តែផ្ទុយទៅវិញ រូបភាពចុងក្រោយមួយ ដែលលោកបានបង្ហោះ នៅលើ​បណ្ដាញ​សង្គម អ៊ិនស្តាក្រាម បានបង្កឲ្យផ្ទុះ ជាសង្គ្រាមពាក្យសម្ដីឡើយ យ៉ាងសន្ធឹកសន្ធាប់។ រូបថតនោះ គេបានមើល​ឃើញ លោក ប៊ៃនុន កំពុងកាន់ខ្សែរពីរ ដែលបានចង់ភ្ជាប់ភរិយារបស់លោក និងស្ត្រីម្នាក់ទៀត វានៅនឹងដី ដោយ​បាន​សរសេរ​អមថា៖ «ការយកតម្រាប់ របស់ខ្ញុំ តាម"Doggy Style"»

(កំណត់សម្គាល់៖ Doggy Style ជាក្បាច់រួមរ័ក្សដ៏ល្បីមួយ នៅក្នុងចំណោមក្បាច់ជាច្រើន នៃវិធីកាមសាស្ត្រ «កាមាស៊ុត្រា»)

ការលេងសើច របស់លោក ប៊ៃនុន មិនសូវជាមានការសប្បាយចិត្ត ពីបណ្ដាអ្នកប្រើប្រាស់ បណ្ដាញសង្គម ផ្សេងទៀតទេ ជា​ពិសេសក្រុមសកម្មជន ការពារសិទ្ធិស្ត្រី។​ ប៉ុន្តែផ្ទុយទៅវិញ លោក ប៊ៃនុន កំពុងធ្វើខ្លួនលោក មកប្រណាំងប្រជែង ជាមួយ​នឹង​សេដ្ឋីម្នាក់ទៀត លោក ថូនី ទូតូនី (Tony Toutouni) ដែលជាមនុស្ស ល្បីឈ្មោះម្នាក់ទៀត នៅលើបណ្ដាញសង្គម។ ខាង​ក្រោម​នេះ ជារូបភាពផ្សេងទៀត ដែលលោក ប៊ៃនី បានយកមកបង្ហោះ នៅលើអ៊ិនស្តាហ្គ្រាម៖