តើបទចម្រៀង របស់កញ្ញា អ៊ីវ៉ា មួយបទនេះ មានយុរវ័យប៉ុន្មាននាក់ បានលើកសរសើរ? ហើយមានប៉ុន្មាននាក់ទៀត ដែល​រិះគន់?

ចម្រៀង ដែលទើបនឹងចេញផ្សាយនេះ មានចំណងជើងថា៖ «មានអ្វីៗ មិនស្មើមានបង»។ ដោយសារចម្រៀងនេះ ជាលំនាំ​បទភ្លេងចាស់ តែទំនុកនិពន្ធ និងអត្ថន័យថ្មី ទើបមានចំណុចពីរ លើកឡើងនៅក្បែរគ្នា ចេញពីមាត់អ្នកទស្សនា។ ចូលរួម​ផ្តល់​យោបល់ ទៅកាន់តារាចម្រៀង តាមរយៈបណ្តាញសង្គមហ្វេសប៊ុក ទស្សនិកជនខ្លះ បានលើកឡើងថា៖ «មានន័យ​ណាស់ វាត្រូវសាច់រឿងខ្ញុំ ដូចអារម្មណ៍ពិតៗចឹង» ខណៈម្នាក់ទៀត បានសរសេរឡើង ស្រដៀងគ្នាដែរថា៖ «ពិរោះណាស់ ខ្ញុំពេញចិត្ត»។

ផ្ទុយទៅវិញ អ្នកផ្សេងទៀត បានលើកឡើង ខុសពីនេះថា វាមិនមានអ្វីថ្មីនោះទេ គឺជាទំនុកបទភ្លេងចាស់ ដែលធ្លាប់បាន​ចេញ នៅក្នុងផលិតកម្មរស្មីហង្សមាស រួចហើយ គឺបទ«ពេលវាលា» របស់លោក ណុប ប៉ាយារិទ្ធ និងកញ្ញា សុគន្ធ នីហ្សា។ ម្យ៉ាងទៀត អ្នកខ្លះបានសរសេររៀបរាប់ថា ជាទំនុករបស់បទចម្រៀងចិន មួយបទផងដែរ។

អ្នកទាំងនោះ ចង់បញ្ជាក់ថា អ្នក​ចម្រៀងនៅក្នុងស្រុក មិនបានបង្កើតអ្វីថ្មី ដោយខ្លួនឯងនោះទេ ហើយព្យាយាមកែច្នៃ តែ​របស់​ណា ដែលមានស្រាប់ មិន​ខ្វល់​ពីអ្វីជារបស់ដើមឡើយ។ ក្រុមអ្នករិះគន់ទាំងនោះ បានសរសេរឡើងថា៖ «ច្រៀង​បទ​នេះ លំនាំភ្លេងចាស់ហ្នឹង»។ អ្នកខ្លះបានសរសេរថា៖ «មូលហេតុ​អ្វី ទើបតារាចម្រៀងខ្មែរ ច្រៀងបទចាស់ រហូតអញ្ចឹង ឥលូវ?»។

យ៉ាងណាក៏ដោយ ក៏មានយុវវ័យខ្លះ បានដក់អារម្មណ៍ជាប់ នៅជាមួយបទចម្រៀងមួយនេះ របស់កញ្ញា អ៊ីវ៉ា ដែរ។ យុវវ័យ​មួយចំនួនថា៖ «ពិតជាពិរោះណាស់ ហើយមានន័យទៀត» ទាំងនេះជាពាក្យសម្តី របស់ក្រុមអ្នកចូលចិត្តនិងរំភើបចិត្ត ពេល​បានឮបទនេះដំបូង ដែលម្ចាស់បទ បានបង្ហើរសូរសៀង នៅក្នុងស្ថានិយ៍ទូរទស្សន៍អាស៊ីអាគ្នេយ៍ នៅរាជធានីភ្នំពេញ កាល​ពី​ពេលថ្មីៗនេះ៕

» សូមតាមដានចម្រៀងខាងក្រោម ដែលបកស្រាយមុន ដោយផលិតកម្មហង្សមាស និចម្រៀងដើមរបស់តារាចម្រៀងចិន៖