អ្នក​នាំ​ពាក្យ​ព្រឹទ្ធសភា៖ «មាន​ច្បាប់​គ្រប់​គ្រង NGO កម្ពុជា​មាន​នីតិរដ្ឋ»

«ដើម្បីនីតិរដ្ឋ ការគ្រប់គ្រងជាតិមួយ តម្រូវឲ្យមានច្បាប់គ្រប់គ្រង។ (...) ដើម្បីមាននិតិរដ្ឋ ត្រូវតែបង្កើតច្បាប់។» នេះ​ជា​ការ​លើក​ឡើង របស់ លោក ម៉ម ប៊ុននាង អនុប្រធានគណៈកម្មការអង្កេត បោសសម្អាត និងប្រឆាំងអំពើពុករលួយ និងជាអ្នក​នាំ​ពាក្យ​ព្រឹទ្ធសភា។
Loading...
  • ដោយ: អ៊ុម វ៉ារី អត្ថបទ៖ អ៊ុម វ៉ារី ([email protected]) - យកការណ៍៖ស្រ៊ុន ទិត្យ -ភ្នំពេញថ្ងៃទី២១ ឧសភា ២០១៥
  • កែប្រែចុងក្រោយ: May 23, 2015
  • ប្រធានបទ: ច្បាប់
  • អត្ថបទ: មានបញ្ហា?
  • មតិ-យោបល់

ប្រទេសត្រូវតែមានច្បាប់។ ច្បាប់សម្រាប់គ្រប់គ្រងសង្គម ដែលអាចនាំឲ្យមាននីតិរដ្ឋនៅកម្ពុជា។ នេះជាការអះអាង យ៉ាង​មាំមួន របស់លោកម៉ម ប៊ុននាង អនុប្រធានគណៈកម្មការអង្កេត បោសសម្អាត និងប្រឆាំងអំពើពុករលួយ និងជាមន្ត្រី​អ្នក​នាំ​ពាក្យ របស់ព្រឹទ្ធសភាកម្ពុជា។

ថ្លែងនៅក្នុងកិច្ចសម្ភាស ជាមួយអ្នកសារព័ត៌មាន នាឧកាសសិក្ខាសាលាពិគ្រោះយោបល់មួយស្តីពី «ការរៀបចំគោល​នយោបាយ និងអង្គការសង្គមស៊ីវិល» កាលពីព្រឹក ថ្ងៃទី២១ ខែឧសភា ឆ្នាំ២០១៥ នៅសណ្ឋាគារកាំបូឌីយ៉ាណា លោក ម៉ម ប៊ុននាង បានថ្លែងឡើងថា៖ «សង្គមជាតិយើង សំខាន់ណាស់ឲ្យឈានទៅនិតិរដ្ឋ។ អ្វីៗគ្រប់គ្រងដោយច្បាប់ អនុវត្តន៍​ដោយ​ច្បាប់។ (...) ការអភិវឌ្ឍន៍ជាតិ ឈានទៅជាលំដាប់ ឫការកសាងច្បាប់ ក៏ឈានទៅជាលំដាប់ដែរ មិនអាចឈប់បានទេ។ (...) សម្រាប់​ការអភិវឌ្ឍន៍ ប្រទេសជាតិ ដំណាក់កាលឈានឡើង ទៅជាលំដាប់ ឯការកសាងច្បាប់ ក៏ឈានទៅជាលំដាប់​ដែរ។»

ចំពោះការតវ៉ា និងអ្វីដែលសង្គមស៊ីវិលចង់បាន ត្រូវបានមន្ត្រីអ្នកនាំពាក្យរូបនេះ ថ្លែងអះអាងទៀតថា មិនដែល​ត្រូវបាន​ហាម​ឃាត់ ដោយរដ្ឋាភិបាលទេ។ លោកបន្តថា រាល់ច្បាប់នានា ក៏តែងមានការចូលរួម ដោយសង្គមស៊ីវិលដូចគ្នា។ ដូច្នេះ​សេចក្តីព្រាងច្បាប់មួយនេះ ក៏មិនមានអ្វី ដែលរដ្ឋាភិបាល ថាមិនឲ្យមានការចូលរួម ឬផ្តល់យោបល់នោះឡើយ។ លោក​បាន​ថ្លែង​ឲ្យដឹងថា៖ «(សង្គមស៊ីវិល) សុំចូលរួមមតិយោបល់ ពិតជាត្រឹមត្រូវ។ រដ្ឋាភិបាល មិនដែលឃាត់ឃាំងថា មិនឲ្យផង។»

ប៉ុន្តែលោក ម៉ម ប៊ុននាង ទំនងជាចង់ទម្លាក់កំហុស ទៅអង្គការសង្គមស៊ីវិលមួយចំនួន ដែលបាននឹងកំពុង ធ្វើការទាមទារ​នោះ ថាមិនបានធ្វើ ក្នុងនាមសង្គមស៊ីវិលឡើយ តែក្នុងនាមបុគ្គលប៉ុណ្ណោះ៕

» សូមស្តាប់កិច្ចសម្ភាសជាមួយលោក ម់ម ប៊ុននាង ទាងស្រុងដូចខាងក្រោម៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...