អាពាហ៍​ពិពាហ៍​ភេទ​ដូច​គ្នា៖ បន្ទាប់​ពី​អៀឡង់ មាន​ប្រទេស​ណា​ទៀត?

កាលពីយប់ថ្ងៃសៅរ៍ ទី២៣ ខែឧសភានេះ ប្រទេសអៀឡង់ បានក្លាយជារដ្ឋទី២០ ក្នុងពិភពលោក ដែលទទួលយល់ព្រម ឲ្យមនុស្សស្រឡាញ់ភេទដូចគ្នា អាចរៀបការជាមួយគ្នាបាន។ នៅខែមិថុនាក្រោយ សហរដ្ឋអាមេរិកអាចនឹងដើរ ជំហាននេះ តាមពីក្រោយដែរ។ ចុះប្រទេសដទៃទៀត ក្នុងលោក?
Loading...
  • ដោយ: សេក មនោរកុមារ អត្ថបទ ៖ សេក មនោរកុមារ ([email protected]) - ប៉ារីស ថ្ងៃទី ២៤ ឧសភា ២០១៥
  • កែប្រែចុងក្រោយ: May 25, 2015
  • ប្រធានបទ: អាពាហ៍ពិពាហ៍ភេទតែមួយ
  • អត្ថបទ: មានបញ្ហា?
  • មតិ-យោបល់

អៀឡង់ ជាប្រទេសដំបូងគេ ក្នុងពិភពលោក ដែលយល់ព្រមឲ្យមានអាពាហ៍ពិពាហ៍ នៃមនុស្សស្រឡាញ់ភេទដូចគ្នា តាម​រយៈការបោះឆ្នោតប្រជាមតិ។ ប្រជាពលរដ្ឋអៀឡង់ ចំនួន៦០% បានចូលរួមរួមក្នុងប្រជាមតិ ហើយអ្នកអ្នកទៅបោះឆ្នោត ប្រជាមតិប្រមាណជា ៦២,៣% បានឆ្លើយទទួលយល់ព្រម។ ប៉ុន្តែបើអៀឡង់ ជាប្រទេសទីមួយ ដែលបានរៀបចំប្រជាមតិ លើ​ករណីនេះក៏ដោយ តែប្រទេសអៀឡង់ ទើបនឹងក្លាយជាប្រទេសទី១៤ នៅទ្វីបអ៊ឺរ៉ុប និងជាប្រទេសទី២០ នៅក្នុង​ពិភព​លោក​ប៉ុណ្ណោះ ដែលបានសម្រេចឲ្យមាន នូវអាពាហ៍ពិពាហ៍ភេទដូចគ្នា។

តើប្រទេសណាទៀត ដែលគ្រោងដើរតាមជំហាននេះដែរ?

ប្រទេសអាមេរិក ខែមិថុនា ឆ្នាំ២០១៥

ការទាមទារឲ្យមានអាពាហ៍ពិពាហ៍ សម្រាប់ភេទដូចគ្នា បានកើតមានជាយូរហើយ នៅសហរដ្ឋអាមេរិក ហើយអាចនឹង​ធ្វើការ​សម្រេចចិត្ត ក្នុងខែមិថុនាខាងមុខ។ ជាលើកទីពីរ ក្នុងរយៈពេល២ឆ្នាំ តុលាការកំពូលអាមេរិក ត្រូវបានប្រកាស​សាល​ក្រម ពីភាពស្របច្បាប់ នៃសម្ព័ន្ធភាពរបស់មនុស្ មានភេទដូចគ្នា។ បើទោះជារដ្ឋចំនួន ពី ៣៤ ទៅ៣៦ បានអនុញ្ញាត ឲ្យ​មនុស្សស្រឡាញ់ភេទដូចគ្នា បានរៀបការនឹងគ្នាក៏ដោយ តែស្ថានភាពអេតាស៊ីវិល របស់គូស្នេហ៍ទាំងនោះ នៅមានភាព​ស្រពិចស្រពិល នៅឡើយ ជាពិសេស នៅក្នុងរដ្ឋ កេនសាស (Kansa) និងរដ្ឋ អាឡាប៉ាម៉ា (Alabama)។

បណ្ដាប្រទេស នៅទ្វីបអាមេរិកខាងត្បូង រីកចម្រើនទៅមុខខ្លាំង

រដ្ឋចំនួនបី នៃប្រទេសម៉ិចសិក បានបើកទូលាយ ដើម្បីឲ្យក្រុមអ្នកស្រឡាញ់ភេទតែមួយ អាចរៀបការជាមួយគ្នាបាន ប៉ុន្តែ​នៅមិនទាន់មានការអនុញ្ញាត ដោយផ្លូវច្បាប់ សម្រាប់សម្ព័ន្ធភាពបែបនេះនៅឡើយ។ នៅប្រទេសឈីលី ច្បាប់បាន​ទទួល​ស្គាល់ ឲ្យរស់នៅ មានលក្ខណៈជាគូកំណាន់ ប៉ុន្តែការចរចាកំពុងដំណើរការទៅមុខ ដើម្បីបង្កើតឲ្យបានជាច្បាប់មួយ ឈាន​ឆ្ពោះ​ទៅ​រក​អាពាហ៍ពិពាហ៍ ប៉ុន្តែនៅមិនទាន់ទុកជាបានការ នៅក្នុងពេលភ្លាមៗនេះទេ។ ចំណែក​ឯប្រទេសអាហ្សង់ទីន (ឆ្នាំ​២០១០) អ៊ុយរ៉ាហ្គាយ (ឆ្នាំ២០១៣) និងប្រទេសប្រេស៊ីល (ឆ្នាំ២០១៣) វិញ សុទ្ធតែបានអនុម័តរួចហើយ នូវ​អាពាហ៍​ពិពាហ៍​​ទាំងនេះ ដែលពួកគេហៅថា ជា«អាពាហ៍ពិពាហ៍ស្មើភាព»។

នៅអ៊ឺរ៉ុប៖ ប្រទេសស្វីសកំពុងពិចារណា ខណៈអាល្លឺម៉ង់នៅតែបដិសេធ

ប្រទេសស្វីស អាចដើរតាមជំហាន របស់ប្រទេសទាំង១៤ផ្សេងទៀត នៅអ៊ឺរ៉ុប ប៉ុន្តែមិនអាចនៅមុនខែមករា ឆ្នាំ២០១៦​នេះ​ឡើយ បើយោងទៅនឹង និតិវិធីប្រកាសពន្ធដារដ៏ស្មុគ្រស្មាញ និងជាស្ថាពរ សម្រាប់សម្ព័ន្ធភាព ដែលមានភេទខុសគ្នា។ រីឯ​ប្រទេសអាល្លឺម៉ង់វិញ មេដឹកនាំអភិរក្សនិយម ដែលកំពុងនៅកាន់អំណាចសព្វថ្ងៃ មិនបានចាប់អារម្មណ៍ ទៅលើករណីនេះ​ប៉ុន្មានទេ បើទោះជាពលរដ្ឋអាល្លឺម៉ង់មួយភាគធំ ដែលយល់ស្របសម្រាប់អាពាហ៍ពិពាហ៍ នៃភេទដូចគ្នាក៏ដោយ។

ទ្វីបអាស៊ី ដូចជាមិនរង្គើអ្វីសោះ!

នៅក្នុងពេលនេះ បណ្ដាប្រទេសនៅអាស៊ី មិនបានខ្វល់ប៉ុន្មាន ពីករណីនេះទេ។ មានតែសាធារណៈរដ្ឋតៃវ៉ាន់ តែមួយ​ប៉ុណ្ណោះ ដែលបានព្យាយាមយកអត្ថបទច្បាប់ មកដាក់ជជែកគ្នា កាលពីឆ្នាំ២០៣កន្លងទៅ។ អត្ថបទនេះ គ្រាន់តែត្រូវ​បាន​បង្កើតឡើង ប៉ុន្តែមិនត្រូវបានតំណាងរាស្ត្រតៃវ៉ាន់ យកមកពិភាក្សាគ្នាម្ដងណាឡើយ។ នៅចិន កុំថាឡើយដល់ទៅ​រៀបការ​នឹងគ្នា បើសូម្បីចិត្តចង់ស្រឡាញ់ភេទដូចគ្នា ក៏ត្រូវបានផ្តន្ទាទោសដែរ។ ការផ្តន្ទាទោសនេះ ទើបនឹងត្រូវបានលើកលែង នៅឆ្នាំ១៩៩៧។ ចំណែកប្រទេសជប៉ុនវិញ ក្រុមអ្នកស្រឡាញ់ភេទតែមួយ ទើបនឹងធ្វើការទាមទារ ឲ្យមានអាពាហ៍ពិពាហ៍​របស់ពួកគេ នៅក្នុងឆ្នាំនេះប៉ុណ្ណោះ។

នៅទ្វីបអាហ្វិក និងមជ្ឈឹមបូព៌ា មានតែការបង្ក្រាប

ចំពោះប្រទេសជាង ៧០ផ្សេងទៀត នៅក្នុងទ្វីបអាហ្វ្រិក និងនៅមជ្ឈឹមបូព៌ា បានចាត់ទុក ការស្រឡាញ់ភេទដូចគ្នា ជា​ឧក្រិដ្ឋកម្ម ដោយត្រូវផ្តន្ទាទោស យ៉ាងធ្ងន់ធ្ងរ។ ដូច្នេះ អាពាហ៍ពិពាហ៍សម្រាប់ភេទដូចគ្នា ដូចជានៅឆ្ងាយនៅឡើយ។ ប៉ុន្តែ នៅមានប្រទេសមួយ ដែលបានអនុញ្ញាត នូវសិទ្ធិមួយនេះ កាលពីឆ្នាំ២០០៦កន្លងមក៖ ប្រទេសអាហ្វ្រិកខាងត្បូង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...