ប៉ះ​គ្នា​របួស​ទាំង​សង​ខាង ភាគី​ម្ខាង​សម្លុត​ទារ​សំណង

ភាគីអ្នកបុករត់បាត់ សល់តែភាគីអ្នករងគ្រោះ ដល់ទៅពីរ។ ម្ខាង ពីចំណោមភាគីទាំងពីរនេះ បានទាមទារ​សំណង​ពី​ម្ខាង​ទៀត ឲ្យបង់ថ្លៃខូចខាត។ តែការបដិសេធ របស់ភាគីម្ខាងទៀត បានធ្វើឲ្យករណីនេះ មិន​បញ្ចប់​ភ្លាមៗ​ទេ ដោយ​ត្រូវ​បញ្ជូន​ម៉ូតូ ទៅ​ប៉ុស្តិ៍​នគរបាល​ជ្រោយចង្វារ ដើម្បី​ដោះស្រាយ។
Loading...
  • ដោយ: ក. សោភណ្ឌ អត្ថបទ៖ ក. សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ០៥ កក្កដា ២០១៥
  • កែប្រែចុងក្រោយ: July 06, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

គ្រោះថា្នក់ចរាចរណ៍មួយ រវាងម៉ូតូ និងម៉ូតូ បានកើតឡើង នៅមុខសាកលវិទ្យាល័យន័រតុន ដែលបណ្តាល ឲ្យ​ភាគីទាំងសងខាង រងរបួសដូចគ្នា។ ចំណែកឯម៉ូតូវិញ បានរងការខូចខាត ទាំងសងខាង ប៉ុន្តែជនរងគ្រោះ​ម្ខាង បានទាមទារថ្លៃខូចខាត ពីភាគីជនរងគ្រោះម្ខាងទៀត។ ដោយសារអ្នកទាំងពីរ សុទ្ធតែបានអះអាងថា ជាជន​រងគ្រោះទាំងអស់នោះ បញ្ហាមិនបានបញ្ចប់ភ្លាមៗទេ។ រីឯជនបង្កវិញ ត្រូវបានបានឲ្យដឹងថា បានរត់គេចខ្លួន​បាត់ស្រមោល និងមិនត្រូវបានអះអាងថា យ៉ាងដូចម្ដេចឡើយ។

ហេតុការណ៍គ្រោះថ្នាក់នេះ បានកើតឡើង កាលពីវេលាម៉ោង៦ និង៤០នាទី យប់ថ្ងៃទី០៤ ខែកក្កដា ឆ្នាំ២០១៥ នៅតាមបណ្តាយផ្លូវ កែវចិន្តា ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។ អ្នកនៅ​ក្នុង​ហេតុការណ៍ បានបញ្ជាក់ឲ្យដឹងថា ដំបូងម៉ូតូទាំងពីរ បានបើក ក្នុងទិសដៅបញ្ច្រាស់គ្នា ដោយម៉ូតូឌ្រីម ស្លាក​លេខ ភ្នំពេញ១P-៣៥០៧ បម្រុងនឹងឆ្លងថ្នល់។ ចំណែកឯម៉ូមួយគ្រឿងទៀត ម៉ាកនិច ពណ៍ក្រហម ស្លាក​លេខ ភ្នំពេញ ១FA-៣៦៣៩ បើកយ៉ាងលឿន បានប៉ះគ្នា នៅចំនុចកើតហេតុ បង្ករឲ្យមានរបួសទាំងសងខាង។

សាក្សីបន្តទៀតថា ភាគីខាងជិះម៉ូតូម៉ាកនិច ភ្លាមៗបានដកសោម៉ូតូ ពីភាគីម៉ូតូឌ្រីមយកទៅ ហើយចោទ​ម្ចាស់​ម៉ូតូ​ឌ្រីម ដែលកំពុងមានរបួសស្មារខាងឆ្វេងថា បានបើកម៉ូតូបុកខ្លូនឲ្យរបួស រួចខាងភាគីជិះម៉ូតូ និច បាន​ព្យាយាមទាមទារសំណង។ តែភាគីម៉ូតូឌ្រីម មិនបានឆ្លើយតបទេ ដោយនិយាយថាសុំទោស ព្រោះខ្លូនមាន​តែម្នាក់ឯង ហើយម្ខាងទៀតមានគ្នាច្រើន បានសង្ខើចសម្លុតទារសំណង កាន់តែខ្លាំងឡើង។

បច្ចុប្បន្ននេះ មន្រ្តីនគរបាលទទួលបន្ទុក ប៉ុស្តិ៍ជ្រោយចង្វារ លោក ប៉ុល ចំរើន បានយកម៉ូតូភាគីទាំងសងខាង ទៅទុកធ្វើការដោះស្រាយ។ លោកបញ្ជាក់ថា ភាគីម៉ូតូ និច ឈ្មោះ ភិន សុធន ហៅ ធី រស់នៅសង្កាត់​ជ្រោយ​ចង្វារ បើកបរម្នាក់ឯង ចំណែកភាគីម៉ូតូឌ្រីមឈ្មោះ សៅ រស់នៅខណ្ឌដូនពេញ បើកបរម្នាក់ឯងដូចគ្នា៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...