ស្ត្រី​តំណាង​រាស្ត្រ​វ័យ​ក្មេង​ម្នាក់ «បំបៅ​កូន»​ក្នុង​សម័យ​ប្រជុំ​សភា

រូបថតនេះ ត្រូវបានបង្ហោះផ្សព្វផ្សាយ ពាសពេញពិភពលោក។ ជារូបថត ដែលផ្តិតចេញពីវីដេអូ របស់​​រដ្ឋសភា​អាហ្សង់ទីន បង្ហាញ​ពី​ឈុត​ឆាក​ដ៏​កម្រ​មួយ៖ ស្ត្រីជាតំណាងរាស្ត្រម្នាក់ កំពុងបំបៅដោះធម្មជាតិ ឲ្យ​ទៅ​កូន​របស់​នាង នៅក្នុងសម័យប្រជុំ សភាពេញអង្គ។
Loading...
  • ដោយ: ឈូករ័ត្ន អត្ថបទ៖ ឈូករ័ត្ន ([email protected]) - បារីស ថ្ងៃទី២៦ កក្កដា ២០១៥
  • កែប្រែចុងក្រោយ: July 27, 2015
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

រូបភាពនេះ ត្រូវបានសារព័ត៌មានអង់គ្លេស «Daily Mail» ចាប់អារម្មណ៍ ហើយយកមកផ្សាយបន្ត កាលពីថ្ងៃ​ព្រហស្បត្តិ៍​សប្ដាហ៍មុន។ ស្ត្រីតំណាងរាស្ត្រឈ្មោះ Victoria Donda Perez របស់ប្រទេសអាហ្សង់ទីន កំពុងធ្វើ​ឲ្យគេឯងស្គាល់នាង ពេញមួយផែនដី ដោយកាយវិការមួយរបស់នាង៖ នោះគឺនាងបានបំបៅដោះធម្មជាតិ របស់នាង ឲ្យកូនខ្ចីទើបនឹងកើត របស់នាង។

សកម្មភាពនេះ មិនមែនជាការចៃដន្យនោះទេ តែអាចជាបំណង ដ៏ច្បាស់លាស់មួយ។ មិនត្រឹមតែជា​តំណាង​រាស្ត្រទេ អ្នកម្ដាយវ័យ ៣៨ឆ្នាំរូបនេះ ជាមេធាវីមួយរូប និងថែមទាំងជាសកម្មជនម្នាក់ របស់អង្គការឃ្លាំ​មើល​សិទ្ធិ​មនុស្ស (Human Rights Watch) នោះផង។ អ្នកស្រី Victoria Donda Perez ជាតំណាងរាស្ត្រភេទស្រី ដែល​ក្មេងជាងគេ រាប់ចាប់តាំង ពីចុងឆ្នាំ២០០៧មក នៅក្នុងរដ្ឋសភាជាតិ នៃប្រទេសអាហ្សង់ទីន។

ការយកកូនខ្ចី មកធ្វើការជាមួយ របៀបនេះ មិនមែនជាលើកទីមួយទេ នៅក្នុងពិភពលោក។ គេនៅចាំបានថា ស្ត្រីតំណាងរាស្ត្រអ៊ឺរ៉ុប អ្នកស្រី Licia Ronzulli ជាតិអ៊ីតាលី ក៏តែងបាននាំទារិកា របស់អ្នកស្រី មកធ្វើការជាមួយ នៅក្នុងសភាអ៊ឺរ៉ុប ដែលកាលណោះ មានទីតាំងនៅក្នុងទីក្រុងស្ត្រាសប៊ួរ ប្រទេសបារាំងនៅឡើយ។

រីឯនៅលើបណ្ដាញសង្គមវិញ មតិយោបល់ជាច្រើន បានលើកឡើង ពីការបំបៅកូន ជាសាធារណៈនេះ យ៉ាង​ផុលផុស។ មតិខ្លះលើកឡើងថា ទង្វើនេះ នឹងជួយពង្រឹករូបភាព ជាស្ត្រីឲ្យអ្នកស្រីតំណាងរាស្ត្រ ខណៈមតិ​មួយ​ចំនួនទៀត បានវាយតម្លៃកាយវិការនេះ ថាមិនសមរម្យ និងគួរឲ្យខ្មាសអៀន៕+

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...