ករណីបើកបុករនាំដែកចែកផ្លូវ ទាំងថ្ងៃនេះ ត្រូវបានសាក្សីប្រាប់ឲ្យដឹងថា បានបង្កឡើងនៅវេលាម៉ោង១១ និង​៣០នាទី ថ្ងៃទី២៣ ខែសីហា ឆ្នាំ២០១៤ នៅតាមបណ្តោយផ្លូវសហព័ន្ធរុស្សី ត្រង់ចំណុចទល់មុខ ហាងលក់​សាច់​អាំង យីហោ១៦៨ ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ សាក្សីបានបញ្ជាក់បន្ថែមថា រ៉ឺម៉ក​ដឹកទឹកកកបង្កគ្រោះថ្នាក់ បានដឹកទឹកកក រហូតដល់៧០ដើម បើកបរដោយម្ចាស់រ៉ឺម៉ក ជាយុវជនវ័យជំទង់ម្នាក់ មិនស្គាល់អត្តសញ្ញាណ។ យុវជនរូបនេះ បានបើករ៉ឺម៉ក ពីលិចទៅកើត តាមបណ្តោយផ្លូវខាងលើ ស្រាប់តែមក​ដល់​កន្លែងកើតហេតុ បានរ៉េចង្កូតបុករនាំងចែកផ្លូវតែម្តង។

ស្រ្តីវ័យកណ្តាលម្នាក់ ជាអ្នកលក់ដូរ នៅជាប់កន្លែងកើតហេតុ បានលើឡើងថា៖ «ឃើញបើកបរសុខៗ សោះ​ស្រាប់តែបុកប៉្រាវខ្ទេចដែក បួនប្រាំផ្ទាំង»។ អ្នកស្រីថា ពេលនៅលក់មិនមានអ្វីទេ អ្នកដំណើរដ៏ទៃទៀត រួមទាំង​រ៉ឺម៉កដឹកទឹកកបើកធម្មតា ស្រាប់តែមកដល់កន្លែងមានរនាំង រ៉ឺម៉កដ៏សែនធ្ងន់ អួសដោយម៉ូតូកញ្ចាស់មួយគ្រឿង បានរ៉េទៅបុករនាំងខ្ទេចប្រាំផ្ទាំង។

តាមប្រសាសន៍របស់មន្រ្តីសមត្ថកិច្ចម្នាក់ ដែលចុះអន្តរាគមន៍ឃាត់ខ្លូន ម្ចាស់រ៉ឺម៉កខាងលើ បានឲ្យដឹងថា រ៉ឺម៉ក​ម៉ូតូនេះ ដឹកឥវ៉ាន់លើសចំណុះ បានបណ្តាលឲ្យទប់ចង្កូតមិនជាប់ ទៅបុករនាំងចែកផ្លូវ។ លោកថានៅលើរ៉ឺម៉ក មានដឹកទឹកកក រហូតដល់ទៅ៧០ដើម ក្នុងនោះមិនទាន់ទាំងដាក់ចេញផង។ លោកបានបញ្ជាក់ជាចុង​ក្រោយ​ថា រ៉ឺម៉ក និងម្ចាស់ត្រូវបាមឃាត់ខ្លូន បញ្ជូនទៅចរារចណ៍រាជធានីភ្នំពេញ រង់ចាំក្រុមហ៊ុនទឹកកក ទៅធ្វើការ​ដោះ​ស្រាយ៕