ស្ត្រីអាយុ ៣៦ឆ្នាំ ដែលជាដៃគូរួមរ័ក្ស ទោះសន្លប់«មិនលែង»នេះ បានគិតនៅពេលនោះ ថាមិនមាននរណា ឃើញ​ពួកនាងឡើយ ហើយមានបំណងចង់ឡើង«ថានសួគ៌» ដើម្បីបញ្ជាក់ ពីក្ដីស្នេហ៍យ៉ាងពិសេស ជាមួយ​នឹង​បុរស ជាសង្សារបស់ខ្លួន។ ហេតុការណ៍បានកើតឡើង នៅក្នុងក្រុង ណ័រហ្វក់ (Norfolk) នៃរដ្ឋវៀជីនៀ កាល​ពី​ចុងសប្ដាហ៍មុន និងត្រូវបានទូរទស្សន៍អាមេរិក «News Channel 3» យកមកធ្វើសេចក្ដីរាយការណ៍ យ៉ាង​លំអិត។

ប៉ុន្តែហេតុការណ៍ មិនមែនជាការលាក់កំបាំងទេ។ នាង Kimberly M. Jackson ត្រូវបានគេឃើញ ថាកំពុង​ធ្វើ​«អីៗ»យ៉ាងស្វាហាប់ នៅកណ្ដាលចំណតរថយន្ដ នៃផ្សារទំនើប ជាមួយនឹងប្រុសស្នេហ៍របស់ខ្លួន លោក Earl Palmer ដែលក្នុងពេលនោះ បានសន្លប់មិនបានដឹងខ្លួនឡើយ។ នាង Kimberly បានពន្យល់​ទៅកាន់​អ្នក​សារព័ត៌មាន របស់ស្ថានីយ៍ទូរទស្សន៍ ធ្វើវាហីដូច្នេះថា៖ «ខ្ញុំមានចំណង់ នៅពេលនោះ ហើយក៏ចេញ​រឿង​អញ្ចឹង​មក»។

សោកស្ដាយណាស់! តែស្ដាយរឿងអ្វី?

បន្ទាប់ពីទទួលបានដំណឹង ពីអ្នកដំណើរដែលបានឃើញហេតុការណ៍នេះ ក្រុមនគរបាលបាន​មកដល់​កន្លែង​កើតហេតុ និងបានឃើញអ្នកទាំងពីរ នៅក្នុងសភាព«ស្ត្រីនៅពីលើបុរស» ត្រៀមដំណើរឆ្ពោះទៅកាន់វេហា។ លោក Earl Palmer ដែលមិនបានដឹងខ្លួន នៅពេលយុទ្ធនាការនោះ ត្រូវបានដឹកបញ្ជូន​ទៅកាន់មន្ទីរពេទ្យ មុន​នឹងបានដឹងខ្លួនឡើងវិញ ហើយបានអះអាងថា ខ្លួនមិនបានស្រវឹងទេ។

សម្រាប់នាង Kimberly បានប្រាប់ឲ្យដឹងទៀតថា នាងមិនបានដឹងខ្លួន ថាបានធ្វើដល់ថ្នាក់នេះឡើយ និង​បាន​ទម្លាក់កំហុស ទៅលើ«សុរា»។ នាងបានអះអាងថា៖ «ជាធម្មតា ខ្ញុំមិនចូលចិត្តធ្វើអ្វី ជាសាធារណៈនោះ​ឡើយ»។ ខណៈលោក Earl Palmer បានអះអាងដើម្បីការពារ ស្ត្រីជាសង្សាខ្លួនថា ទង្វើនៅកណ្ដាល​វាល​នេះ មិន​មាន​ការបង្ខិតបង្ខំ ឬជាការចាប់រំលោភឡើយ ទោះជាលោកបានសន្លប់នោះក្ដី។ លោកថែមទាំង​និយាយ សម្ដែង​ការ​សោក​ស្ដាយ​ទៀត ថាពួកខ្លួនមិនអាច បញ្ចប់យុទ្ធនាការនេះ ឲ្យដល់កោះត្រើយបាន៕