ខៀវ កាញារីទ្ធ និយាយរឿងកំប្លែង ពីប្រធានាធិបតីអាមេរិក
- ដោយ: ដារី អត្ថបទ និងយកការណ៍៖ ដាវី ([email protected]) - ភ្នំពេញ ថ្ងៃទី០៩ វិច្ឆិកា ២០១៥
- កែប្រែចុងក្រោយ: November 09, 2015
- ប្រធានបទ: កំប្លែង
- អត្ថបទ: មានបញ្ហា?
- មតិ-យោបល់
-
នៅលើគណនីហ្វេសប៊ុក របស់រដ្ឋមន្ត្រីក្រសួងព័ត៌មានកម្ពុជា ក្នុងពេលបច្ចុប្បន្ននេះ គេកម្រឃើញលោករដ្ឋមន្ត្រី និយាយពីរឿងនយោបាយណាស់ ឬបើឃើញម្ដងៗ គេគ្រាន់តែឃើញលោក និយាយពីកម្មវិធីនេះ កម្មវិធីនោះ របស់គម្រោងអភិវឌ្ឍន៍ របស់រដ្ឋាភិបាលកម្ពុជាប៉ុណ្ណោះ។ ប៉ុន្តៃជារឿយៗ គេឃើញលោក ខៀវ កាញារីទ្ធ បង្ហោះសារពីរឿងផ្ទាល់ខ្លួន គ្រួសារ ឬពីមិត្តភ័ក្រ... និងបើនិយាយឲ្យខ្លី លោកចូលចិត្តនិយាយ ប្រាប់ប្រិយមិត្តរបស់លោក ពីជីវិតប្រចាំថ្ងៃរបស់លោក និងពីរឿងដែលគួរឲ្យអស់សំណើច ជាដើម។
នៅថ្ងៃចន្ទនេះ លោកបានបង្កឲ្យមានការផ្ទុះសំណើចសារជាថ្មីទៀត ជាមួយនឹងរឿងកំប្លែងដ៏ខ្លីមួយរបស់លោក។ លោកបានដាក់ចំណងជើងថា «រឿងកំប្លែងនៅអាមេរិក» ហើយយើងសូមដកស្រង់ ការសរសេររឿង ដែលធ្វើឲ្យផ្ទុះសំណើចរបស់លោក មកចុះផ្សាយដូចខាងក្រោម៖
លោក អូបាម៉ា (ប្រធានាធិបតីអាមេរិក) និងប្រពន្ធ (ឈ្មោះ ម៉ៃឃើល អូបាម៉ា) ចូលភោេជនីយដ្ឋានមួយ។ ពេលប្រពន្ធគាត់ ឃើញថៅកែហាង ក៏ដើរទៅជជែកលេង កៀកដៃគ្នាសើចកក្អិក នៅពេលត្រលប់មកអង្គុយវិញ លោក អូបាម៉ា ក៏សួរប្រពន្ធៈ
- Michele អ្នកណាណ្នឹង ?
- សង្សារដំបូងរបស់អូន!
- អូនឯងហេងណាស់! បើអូនឯងការជាមួយគាត់ណ្នឹង ច្បាស់ជា បានធ្វើត្រឹមប្រពន្ធថៅកែភោជនីយដ្ឋាន តែប៉ុណ្ណឹង។
ប្រពន្ធ អូបាម៉ា ក៏ឆ្លើយភ្លាមៈ
- បងច្រលំហើយ! បើខ្ញុំការជាមួយគាត់ ៗច្បាស់ជាក្លាយជាប្រធានាធិបតីអាមេរិក បាត់ហើយ!
យ៉ាងម៉េចដែរ? សើច ឬមិនសើច? ឬមានបង្កប់ ដោយអត្ថន័យនយោបាយ នៅក្នុងនោះ?