យក​មួក​សុវត្ថិភាព​មក​តែងពាក់ រួច​ថត​រូបផ្សាយ បង្ក​ការ​ភ្ញាក់​ផ្អើល

ធ្វើដូចម្ដេច ដើម្បីរួមចំណែក ក្នុងការកាត់បន្ថយគ្រោះថ្នាក់ចរាចរណ៍? សូមទស្សនាតារា​ហ្វេសប៊ុក «រំដួល​លិច​ទឹក» ដែល​ប្រមូល​យក​មួក​សុវត្ថិភាព ប្រមាណជាង១០មួក យកមកតែងពាក់​ជាប់​នឹង​ខ្លួន ដើម្បីថត​បង្ហោះផ្អើល​ពេញ​ហ្វេសប៊ុក។
Loading...
  • ដោយ: ក. ស្រីនាង អត្ថបទ និងយកការណ៍៖ ក. ស្រីនាង ([email protected]) - ភ្នំពេញថ្ងៃទី ០៧ វិច្ឆកា ២០១៥
  • កែប្រែចុងក្រោយ: November 10, 2015
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

គ្មានអ្នកដំណើរណាម្នាក់ មិនក្រឡេកមើលមកនាង ម្ចាស់ទំព័រ «រំដួលលិចទឹក Romdoul Lich Tek» នៅ​លើ​ហ្វេសប៊ុក ដែលកំពុងតែងខ្លួន ស្លៀកពាក់ជាមួយនឹងមួកសុវត្ថិភាព ប្រមាណជាង១០មួក ហើយថត​ជា​រូប ដើម្បី​ទុកផ្សាយនោះឡើយ។

កន្លងមកមក «រំដួលលិចទឹក» តែងតែតុបតែងខ្លួនប្លែកៗ មិនថាជាផ្លែឈើ បន្លែ ម្ហូប ត្រី…. តែពេលនេះ​«រំដួល​លិចទឹក»បែរជា យកមួកសុវត្ថិភាពជាម៉ូត មកបង្ហាញដល់អ្នកធ្វើដំណើរ តាមផ្លូវសាធារណៈ និងបង្ហោះតាម​ហ្វេស៊ុក យ៉ាងគគ្រឹកគគ្រេង។

អមជាមួយរូបភាព ៩សន្លឹក ដែលមានពាក់មួកសុវត្ថិភាពនេះ តារាហ្វេសប៊ុក«រំដូលលិចទឹក» បានសរសរ​ជាពាក្យជួន ឲ្យដឹងថា៖ «សុវត្ថិភាពជាចំបង កុំឡើយរំលង មួកសុវត្តិភាព ទើបយើងមានប្រៀបលើ​គ្រោះថ្នាក់ សូមបងប្អូនគ្រប់ជាន់ថ្នាក់ កុំអាក់ពាក់មួក ខ្លួននិងកូនៗ មួកសុវត្តិភាពនេះហើយដូចជាក្បូន ចំលងជីវិត​មិន​ឲ្យ​សូន្យ សូមបងប្អូនកុំប្រហែស»។

ចំពោះរូបភាព និងសាររបស់«រំដួលលិចទឹក» ត្រូវបានអ្នកប្រើប្រាស់បណ្តាញសង្គម គាំទ្រយ៉ាងច្រើន។ ពួក​គេ​បានបញ្ចេញយោបល់ថា ពេញចិត្ត គាំទ្រ មានគំនិតច្នៃប្រឌិត និងសរសើរថា ពិតជាមានន័យមានគំនិត​អប់រំ​ដល់អ្នក ធ្វើដំណើរ ឲ្យពាក់មួកសុវត្ថិភាពគ្រប់ពេល។ តែគុណវិបត្តិមួយ ដែលចាំបាច់ត្រូវកែលំអ នោះគឺ​ការ​បង្កការភ្ញាក់ផ្អើល នៅតាមដងផ្លូវដូច្នេះ អាចបង្ក ឲ្យមានគ្រោះថ្នាក់កើតឡើងទៅវិញ ព្រោះមនុស្សម្នា​មិន​មើល​ផ្លូវ ដែលត្រូវធ្វើដំណើរ តែបែរជាមកមើលតែនាងទៅវិញ៕




Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...