វគ្គថ្មីមួយ ស្ដីពីការស្លាប់របស់ អ៊ូសាម៉ា ប៊េន ឡាដេន (Oussama Ben Laden) បានជម្រុញអោយមានចម្ងល់សារជាថ្មី ទៅ លើអត្តសញ្ញាណរបស់ជនអ្នកបានបាញ់សម្លាប់ មេបណ្ដាញភេវរកម្ម។ បណ្ដាញទូរទស្សន៍ស៊ីអ៊ីនអ៊ីន បានបកស្រាយពី​រឿងនេះ ហើយបានច្រានចោលវគ្គមុន ដែលផ្សាយដោយទស្សនាវដ្ដីអេសវ៉ាយើ  (Esquire) ពីជនម្នាក់ តាំងខ្លួនជាអ្នក​បាញ់ប៊េនឡាដេន។

អ៊ូសាម៉ា ប៊េន ឡាដេន នៅមុនការរកឃើញរបស់ភ្នាក់ងារសម្ងាត់អាមេរិក។

នៅខែកុម្ភះ កន្លងទៅទស្សនាវដ្ដីអេសវ៉ាយើរ បានផ្សាយនូវកិច្ចសន្ទនាមួយយ៉ាងវែង ធ្វើជាមួយនឹងជនម្នាក់ ដែលសុំ​មិន​បញ្ចេញឈ្មោះ តែបានតាំងខ្លួនថា ជាអ្នកបាញ់សម្លាប់ មេបណ្ដាញភេវរនិយមអាល់ កៃដា (al-Qaïda) នៅក្នុងលំនៅដ្ឋាន​របស់គាត់ ក្នុងខេត្តអាប៊ុតាបាដ (ប្រទេសប៉ាគីស្ដង់) នាយប់ថ្ងៃទី១ខែមិនាឆ្នាំ២០១១។ ទាហ៊ានរូបនោះ បាននិយាយថា បានចូលទៅក្នុងបន្ទប់នោះតែម្នាក់ឯង ហើយបានបាញ់បីគ្រាប់ ចំក្បាលរបស់ប៊េន ឡាដេន។

តែសម្រាប់ស៊ីអ៊ីនអ៊ីន ការរៀបរាប់នេះ ខុសទាំងស្រុង ព្រោះបុរសនោះ មិនមែនជាមនុស្សដែលបានបាញ់សម្លាប់ មេភេវរករ​នោះទេ។ ទីប្រឹក្សារបស់បណ្ដាញទូរទស្សន៍មួយរូប លោកភីធើ ប៊ើជេន (Peter Bergen) ចាត់ទុកការរៀបរាប់នោះ ជារឿងដ៏​«ផ្ដេសផ្ដាស»មួយ ហើយលោកបានបន្ដពាក្យសម្ដរបស់សមាជិកម្នាក់ នៃកងស្ម័គ្រប្រយុទ្ធទី៦ ដែលដូចមុន សុំមិនបញ្ចេញ​ឈ្មោះ។

តាមលោក ភីធើ ប៊ើជេន កម្លាំងប្រយុទ្ធបីនាក់ បានចូលទៅដល់ជាន់ទីបី ក្នុងនោះមានអ្នកបាញ់បង្ហាញតាមទស្សនាវដ្ដី និង​ម៉ាត ប៊ីស៊ូណេត (Matt Bissonette)។ ប៊េន ឡាដេន ពេលនោះទំនងជាបាន ហុចក្បាលមកតាមចន្លោះទ្វា ហើយកម្លាំង​ប្រយុទ្ធទីមួយ បានបាញ់តែមួយគ្រាប់ដំបូងប៉ុណ្ណោះ ចំក្បាលរបស់គាត់។ អ្នកបាញ់នោះ មិនមែនជាជនដែលអះអាងដោយ អេសវ៉ាយើ ហើយក៏មិនមែនជាម៉ាត់ ប៊ីស៊ូណេតដែរ។

ការរៀបរាប់របស់ទីប្រឹក្សាបណ្ដាទូរទស្សន៍ វាប្រហាក់ប្រហែលនឹងការសរសេរអោយដឹង របស់សៀវភៅរបស់ប៊ីស៊ូណេត មានចំណងជើងថា «គ្មានថ្ងៃស្រួល (No Easy Day)»។ ការរៀបរាប់របស់«អ្នកបាញ់» នៅក្នុងទស្សនាវដ្ដី ទំនងជាបាន​បញ្ឆេះកំហឹង សមាជិកដទៃទៀតនៃកងស្ម័គ្រប្រយុទ្ធទាំងនេះ ដែលសុទ្ធតែបានស្បថថា មិននិយាយរឿងនេះ ទៅនរណា​ផ្សេងឡើយ។

កងកម្លាំងប្រយុទ្ធ បានបង្ហើបប្រាប់ស៊ីអ៊ីនអ៊ីនថា ជនដែលបានអះអាងថាខ្លួនជា«អ្នកបាញ់»នោះ ត្រូវបានបណ្ដេញចេញពី​ក្រុមហើយ ដោយហេតុថាជននេះ បានអួតអាងជ្រុលពីអ្វី ដែលខ្លួនបានធ្វើ៕

--------------------------------------------------------
ដោយ សេក មនោរកុមារ - ប៉ារីស​ ថ្ងៃទី២៨ ខែមិនា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ