Posts tagged as "Miss Univers"

កាលពីថ្ងៃអាទិត្យមុន (ត្រូវនឹងថ្ងៃចន្ទ នៅក្នុងប្រទេសហ្វីលីពីន និងនៅប្រទេសកម្ពុជា ព្រោះខុស​ត្រូវ​ម៉ោង​គ្នា) កម្មវិធី​ប្រឡងបវរកញ្ញចក្រវាឡ បានរកឃើញរាជនីសម្ផស្ស ប្រចាំឆ្នាំថ្មីរបស់ខ្លួន ដោយសម្រេច​ប្រគល់​ម្កុដ ដែល​មាន​តម្លៃ​ដល់ទៅ ជាង៣សែនដុល្លារ ឲ្យទៅបវរកញ្ញាឆ្នាំមុន របស់ប្រទេសបារាំង គឺនាងកញ្ញា អ៊ីរីស មីតេណារ៉េ (Iris Mittenaere) ដើម្បីបន្តតំណែង ពីបវរកញ្ញាចក្រវាឡឆ្នាំមុន ដែលមកពីប្រទេសហ្វីលីពីន។

មិនសូវខុសគ្នាប៉ុន្មាន ពីម្ចាស់ជ័យលាភី ក្នុងឆ្នាំមុនៗនោះទេ បវរកញ្ញាចក្រវាឡថ្មី អាយុ២៤ឆ្នាំ ដែល​មាន​កំណើត នៅ​ក្នុង​តំបន់​ភាគ​ខាងជើងបារាំង បានទទួលអំណោយ យ៉ាងសម្បើមអស្ចារ្យ ពីកម្មវិធី​ប្រឡង​បវរកញ្ញា។ ក្រៅពី​ម្កុដ​បវរកញ្ញា នាងកញ្ញា អ៊ីរីស មីតេណារ៉េ នៅទទួលបាន ឈុតសម្លៀកបំពាក់ សំពត់​រ៉ូប ​ពេញ​មួយ​ទូ - ការចូលរៀន​ដោយ​មិនគិតថ្លៃ នៅក្នុងសាលា​ភាពយន្ដមួយ នៃ​ទីក្រុង​ញ៉ូយក (New York Film College) ពេញមួយឆ្នាំ [...]

តើមានពេលណាខ្លះ ដែលលោកប្រធានាធិបតីអាមេរិក បារ៉ាក់ អូបាម៉ា (Barack Obama) យកពេល​វេលា​របស់​លោក ទៅលូកមាត់លូកក ជាមួយបេក្ខជនប្រធានាធិបីថ្មី ដែលកំពុងធ្វើការប្រឡងប្រណាំងគ្នា ពាស​ពេញ​សហរដ្ឋ​អាមេរិកនោះ? ពេលចុងក្រោយគេបំផុត គឺនៅក្នុងការជួបជុំទទួលទានពេលល្ងាច ជាមួយក្រុម​អ្នក​សារព័ត៌មាន កាលពីថ្ងៃសៅរ៍សប្ដាហ៍មុន (ថ្ងៃទី៣០ ខែមេសា ឆ្នាំ២០១៦) ហើយលោក បារ៉ាក់ អូបាម៉ា បាន​ឆ្លៀត​ឱកាសនេះ ដើម្បីបង្ហាញទេពកោសល្យរបស់លោក ដោយធ្វើការចំអន់លេងសប្បាយ ជាមួយលោក ដូណាល់ ត្រាំ (Donald Trump) បេក្ខជនប្រធានាធិបតី មកពីគណបក្សសាធារណរដ្ឋ។

តាមពិតទៅ លោក ដូណាល់ ត្រាំ ដែលជាមហាសេដ្ឋីមួយរូបនោះទេ តែងត្រូវបានអញ្ជើញ និងតែង​មាន​វត្តមាន​ជានិច្ច នៅក្នុងការជួបជុំទទួលអាហារបែបនេះ កាលពីឆ្នាំមុនៗ។ តែឆ្នាំនេះ អវត្តមានរបស់លោក ត្រាំ បាន​បង្កើត​​​ជាប្រធានបទកំប្លែង របស់លោក អូបាម៉ា ទៅវិញ។ លោកប្រធានាធិបតី បានសួរនៅក្នុង​ការ​ថ្លែង​របស់​លោក [...]

កម្មវិធីប្រឡងបវរកញ្ញា ប្រចាំទ្វីបអាហ្វ្រិកនេះ ត្រូវបានរៀបចំធ្វើ ជាលើកដំបូងបង្អស់ ដោយ​ផលិតកម្ម «Neo Mashishi» នៅប្រទេសអាហ្វ្រិកខាងត្បូង និងបានប្រមូលបវរកញ្ញានៅក្នុងទ្វីបនេះ ជាច្រើន​សិប​នាក់ ឲ្យ​ចូល​មក​ប្រកួត។ អ្នករៀបចំកម្មវិធី ថែមទាំងបានសង្ឃឹមដែរថា ការប្រកួតជ្រើសរើសរាជនីសម្ផស្សប្រចាំទ្វីប​មួយ​នេះ នឹងទទួល​បាន​ការ​គាំទ្រ ពីសំណាក់សហភាពអាហ្វ្រិក (UA) ដើម្បីអនុញ្ញាតឲ្យបវរកញ្ញា ដែលបានឈ្នះ​ពី​ក្នុង​ការប្រកួត អាច​ដើរ​តួនាទី​តំណាង​ឲ្យ​ទ្វី​បអាហ្វ្រិក និងជាអង្គទូតសម្រាប់យុទ្ធនាការនានា ប្រឆាំង​នឹង​ជំងឺ​ឆ្លង ភាព​ក្រីក្រ និង​ការ​រើស​អ៊ើង​ជាដើម។

កាលពីថ្ងសៅរ៍ ចុងសប្ដាហ៍មុន នៅក្នុងសាលប្រគុំតន្ត្រីដ៏ធំ នៃមហាគ្រឹះលេងល្បែង «Gold Reef City» នៃ​រដ្ឋធានី ចនណេស្បួរ (Johannesburg) ប្រទេសអាហ្វ្រិកខាងត្បូង កំពូលស្រីស្អាតចុងក្រោយ ចំនួន​១២នាក់ ពី​ក្នុង​ចំណោម​៤០នាក់ ដែលមកពីប្រទេសនានា [...]

ទទួលបានតំណែង ជារាជនីសម្ផស្សឆ្នាំ២០១៦ របស់ប្រទេសរ៉ូស្ស៊ី នាង យ៉ាណា ដូប្រ៊ូវ៉ុលស្កាយ៉ា (Yana Dobrovolskaya) អាយុ១៨ឆ្នាំ មកពីខេត្ត ទីអ៊ូមេន (Tyumen) ភាគកណ្ដាលនៃប្រទេស ត្រូវបានបវរកញ្ញា​ឆ្នាំ​មុន នាងកញ្ញា សូហ្វីយ៉ា នីគីឈូក (Sofia Nikitchuk) ឡើងមកបំពាក់ម្កុដបវរកញ្ញាឲ្យ ដើម្បីជានិមិត្តរូប នៃការ​កាន់​តំណែង​នេះ ក្នុងរយៈពេលមួយឆ្នាំ។

ម្កុដបវរកញ្ញាខាងលើនេះ ធ្វើពីមាសស និងមានដាំគ្រាប់ពេជ្រ​លាយគ្រាប់គុជ ដែលគិតជាប្រាក់ មានតម្លៃ​ប្រមាណ​ជា ១លានដុល្លារអាមេរិក។

ក្នុងរយៈពេលមួយឆ្នាំនេះ បវរកញ្ញាសម្ផស្សគន់មិនណាយនេះ នឹងមានសិទ្ធិ​តំណាងឲ្យប្រទេសរ៉ូស្ស៊ី នៅ​ក្នុង​ការ​ប្រឡងបវរកញ្ញា ពិភពលោក និងបវរកញ្ញាចក្រវាឡ សម្រាប់កម្មវិធីលើកក្រោយ។

រីឯរង្វាន់ធំៗ សំខាន់ៗ ដែលមកជាមួយនឹងតំណែងនេះវិញ នាង យ៉ាណា ដូប្រ៊ូវ៉ុលស្កាយ៉ា ទទួលបានទឹកប្រាក់ ៣លានរូពីរ៉ូស្ស៊ី (ត្រូវជា ៤៥ ពាន់ដុល្លារអាមេរិក) [...]

កាលពីថ្ងៃអាទិត្យកន្លងមក នៅក្នុងក្រុងឡាសវេហ្គាស សហរដ្ឋអាមេរិក ហេតុការណ៍ដ៏មិនគួរឲ្យជឿមួយ បាន​កើតឡើង ដើម្បីចូលរួមបញ្ចប់ឆ្នាំ២០១៥។ នោះគឺលោក ស្ទេវ ហាវៃ (Steve Harvey) ពិធីកររបស់កម្មវិធី «ប្រឡង​បវរកញ្ញាចក្រវាឡ ឆ្នាំ២០១៥» បានច្រឡំប្រកាសលទ្ធផលផ្ដាច់ព្រ័ត្រ ថាអ្នកដែលជាប់​ជាបវរកញ្ញា​ចក្រវាឡ  ជាបវរកញ្ញា របស់ប្រទេសកូឡំប៊ី នាង «Ariadna Gutierrez Arevalo» មុននឹងចេញមកកែតម្រូវ នៅ​៥នាទីក្រោយ ថាអ្នកដែលជាប់ពិតប្រាកដ ជាបវរកញ្ញារបស់ប្រទេសហ្វីលីពីន នាង «Pia Alonzo Wurtzbach» ទៅវិញ។ ការប្រកាសច្រឡំ ដែលធ្វើឲ្យមានការភ្ញាក់ផ្អើល សឹងមួយចំហៀងផែនដី ព្រោះ​មាន​មនុស្ស​ជាច្រើន​​លាន​នាក់ បានទស្សនាកម្មវិធីប្រកួតប្រជែងនេះ ដោយផ្ទាល់ពីក្រុងឡាសវេហ្គាស។

បន្ទាប់ពីប្រព្រឹត្តិកំហុសរួច ពិធីករអា​មេរិក ដែលមានដើមកំណើតពីប្រទេសនីហ្សេ បានឡើងមកកាន់ឆាកវិញ ហើយបានប្រកាសសុំទោស ពីបញ្ហានេះមុននឹងថ្លែងបញ្ជាក់ថា៖ «បវរកញ្ញាអមទីមួយ [...]