បាល់ទាត់អង់គ្លេស៖ ក្រុមរីដឌិង បានបណ្តេញគ្រូបង្វឹក ប្រែន ម៉ាកដឺម៉ូត
បន្ទាប់ពីបរាជ័យ ២-១ ដោយចាញ់ក្រុម អាស្តុន វីឡា (Aston Villa) ក្រុមដែលស្ថិតក្នុងតំបន់ ដែលត្រូវកាត់ចោលមួយដែរ នៅការប្រកួតកាលពីថ្ងៃសៅរ៏នោះ កាលពីរសៀលថ្ងៃច័ន្ទក្រុមរីដឌិង (Reading) បានធ្វើការប្រកាសជាផ្លូវការមួយថា លោកគ្រូបង្វឹក ប្រែន ម៉ាកដឺម៉ូត (Brian McDermott) ត្រូវបានបណ្តេញចេញពីដំណែង។
គ្រូបង្វឹក ប្រែន ម៉ាកដឺម៉ូត ពេលនៅក្នុងក្រុមបាល់ទាត់ រីដឌីង។
ការចាញ់ក្រុម អាស្តុន វីឡា គឺជាការបរាជ័យលើកទី៤ ជាប់ៗគ្នានៅក្នុងលីក ហើយក្រុមនេះមានគំលាត ៤ពិន្ទុពីតំបន់ ដែលត្រូវរួចខ្លួន។ ការនាំមុខគ្រាប់បាល់មុនរបស់ក្រុមរីដឌិង នៅនាទី៣២ បន្ទាប់ពីការធ្វើឲ្យចូលទីខ្លួនឯងរបស់កីឡាករ ណាថាន់ បាឃឺ (Nathan Baker)។ ប៉ុន្តែគ្រាប់បាល់តាមយកស្មើបានកើតឡើងភ្លាមៗ បន្ទាប់ពីកីឡាករ គ្រីស្ទែន បិនថេក (Christian [...]