៣គ្រាប់របស់ទីចាហ្គូ ជួយឲ្យអេស្ប៉ាញលើកពានអ៊ឺរ៉ូ អាយុក្រោម២១ឆ្នាំ
កីឡាករប្រធានក្រុម ទីចាហ្គូ អាល់ខាន់តារ៉ា (Thiago Alcantara) រកគ្រាប់បាល់បញ្ចូលទីបាន ៣គ្រាប់តែម្នាក់ឯង ហើយជួយឲ្យក្រុមជម្រើសជាតិអេស្ប៉ាញ យកឈ្នះក្រុមជម្រើសជាតិអ៊ីតាលី ដោយលទ្ធផល ៤-២ ក្នុងការប្រកួតផ្តាច់ព្រ័ត្រពានរង្វាន់អ៊ឺរ៉ូអាយុក្រោម២១ឆ្នាំ (European Under-21) កាលពីយប់ថ្ងៃអង្គារ៏។
ទីចាហ្គូ អាល់ខាន់តារ៉ា កីឡាករជម្រៀសជាតិអេស្ប៉ាញ ក្រោមអាយុ២១ឆ្នាំ។
ម្ចាស់ការពារដំណែងជើងឯក (អេស្ប៉ាញ) ហាក់ដូចជាមានការពិបាកបន្តិច ក្នុងការគ្របដណ្តប់ទៅលើក្រុមអ៊ីតាលី ប៉ុន្តែទោះជាយ៉ាងណា ក៏មានការធូរស្បើយមកវិញ បន្ទាប់ពីកីឡាករទីចាហ្គូ របស់ក្រុមបាសេឡូណា (Barcelona) តែតបញ្ចូលទីយ៉ាងងាយស្រួលនៅនាទីទី៦, កាប់ពីចំងាយបញ្ចូលទីនៅនាទីទី៣១ និងទាត់បាល់ពិន័យ (ប៉េណាល់ទី) ១គ្រាប់ទៀត នៅនាទីទី៣៨។
[...]