អាជីវករផ្សារដើមគ រអ៊ូរឿងលូបាក់គ្មានអ្នកដោះស្រាយ ជាង២ខែ
នៅក្នុងរាជធានីភ្នំពេញ បញ្ហាដែលកើតមាន ពាក់ព័ន្ធនឹងហេដ្ឋារចនាសម្ព័ន្ធ តើគេត្រូវទៅរកនរណា ឲ្យមកដោះស្រាយ? តើនរណាមួយ មានភារកិច្ចទទួលខុសត្រូវ ផ្នែកសុខមាលភាព នៃការរស់នៅ និងការរកទទួលទានដោយស្របច្បាប់ របស់ពលរដ្ឋ? ខាងក្រោមនេះ គ្រាន់តែជាករណីនៃការ«បាក់លូ»កណ្ដាលផ្លូវថ្នល់ ដែលស្ថិតនៅក្នុងមូលដ្ឋាន នៃផ្សារដើមគ ដែលធ្វើឲ្យពលរដ្ឋ និងអាជីវករនៅទីនោះ ទ្រាំមិនធ្វើការ«រអ៊ូរទាំ» មិនបាន។
ស្រីម៉ី អ្នកលើកបន្លែម្នាក់ បានឲ្យដឹងថា លូបាក់អស់រយៈពេល ជាង០២ខែទៅហើយ រីឯបញ្ហា ដែលចេញពីការបាក់លូ នៅកណ្ដាលផ្លូវថ្នល់ លេខ៣៣៦នេះ ចេះតែកើតមានជាបណ្តើរៗ ដោយពេលភ្លៀងលិចទឹក មានសម្រាមតូចធំ អណ្តែតចូល។ មានម្តងម្កាល អ្នកដំណើរធ្វើដំណើរ តាមផ្លូវនេះ បានផុងធ្លាក់ចូល និងមានអ្នកខ្លះ ធ្លាក់ម៉ូតូចូលក៏មាន។
ចំណែកលោក ណេង ណាត អ្នករត់ម៉ូតូឌុប ដែលចេញចូលផ្សារនេះញឹកញាប់ បាននិយាយថា បញ្ហាទាំងអស់ បានក្លាយទៅជាក្តីកង្វល់ [...]