ចាន់ ពុទ្ធិស័ក្ក៖ កុមារ៥០នាក់ ឬច្រើនជាងនេះ ត្រូវកំព្រាម្តាយ
«ក្នុងមួយគ្រួសារ អ្នកខ្លះមាន៤នាក់ អ្នកខ្លះមាន៥នាក់ ហើយអ្នកខ្លះ មានរហូតទៅដល់៧ -៨នាក់។ អញ្ចឹងទេ ប្រហែលជិត៥០នាក់ ឬ៥០នាក់ជាង ដែលត្រូវកំព្រាម្តាយ ដោយសារតែការចាប់ខ្លួន ដោយគ្មានយុត្តិធម៌ យកទៅដាក់ក្នុងពន្ធនាគារ» នេះជាការលើកឡើងរបស់លោក ចាន់ ពុទ្ធិស័ក្ក ពីទុក្ខលំបាកនានារបស់កុមារៗ នៅក្នុងសហគមន៍បឹងកក់ បន្ទាប់ម្តាយត្រូវបានចាប់ខ្លួន។
ធ្លាប់តែរាល់ថ្ងៃ មានម្តាយនៅថែរក្សា ដាំបាយឱ្យញ៉ាំ ជូនទៅសាលារាល់ថ្ងៃ ប៉ុន្តែពេលនេះ បែរជាត្រូវឃ្លាតពីម្តាយ វាជារឿងដ៏លំបាកណាស់សម្រាប់កុមារទាំងនោះ។ លោក ចាន់ ពុទ្ធិស័ក្ក បានបន្ថែមថា បើទោះជាស្រ្តី ដែលត្រូវបានចាប់ខ្លួនទាំងនោះ មិនបានរកប្រាក់ចំណូល ជួយផ្គត់ផ្គង់គ្រួសារក៏ដោយ ប៉ុន្តែពួកគាត់មានការងារជាច្រើនជំពូក ក្នុងការមើលថែទាំគ្រូសារ។
លោកថា [...]