RSS

ចុះឈ្មោះសេរី លេងល្បែងកំសាន្ដ

ចេញផ្សាយចុងក្រោយ

30 user(s) are online (29 user(s) are browsing ផ្នែកទស្សនាវដ្ដី)

Members: 0
Guests: 30

more...

លទ្ធផលការបោះឆ្នោតប្រធានាធិបតីបារាំង នៅជុំទីមួយ នាំមុខដោយ ហ្រង់ស័រ ហូឡង់

| Published on Sun 22 Apr, 2012 at 23:34 | 6814 views | Trackback
លទ្ធផលការបោះឆ្នោតប្រធានាធិបតីបារាំង នៅជុំទីមួយ នាំមុខដោយ ហ្រង់ស័រ ហូឡង់
ចែករំលែក
អត្ថបទនេះ

ប្រជាអ្នកបោះឆ្នោតបារាំង​ (ក្នុងប្រទេសបារាំងដីគោក) ចំនួនជិត៨០% បានចេញទៅបោះឆ្នោតជ្រើសរើសប្រធានាធិបតី សំរាប់អាណត្តិ ២០១២-២០១៧ យ៉ាងកុះករតែស្ងៀមស្ងាត់ តាំងពីម៉ោង៩ម៉០០ នៅថ្ងៃអាទិត្យ ទី២០ ខែមេសានេះ។ ការបោះឆ្នោតនេះ បានបញ្ចប់ទៅ នៅល្ងាចថ្ងៃដដែលវេលាម៉ោង ២០ម៉០០  (១៨ម៉០០ ឬ១៩ម៉០០ ដោយកន្លែង) ហើយការរាប់ សន្លឹកឆ្នោត​ក៏បានធ្វើភ្លាមៗ ជាមួយគ្នានោះផងដែរ។

តាមការស្ទង់មតិរបស់វិទ្យាស្ថានជំនាញទាំងឡាយ នៅយប់ថ្ងៃច័ន្ទទី២២ ខែមេសាដដែលនេះ បានបង្ហាញអោយដឹង ពី លទ្ធផល បណ្ដោះអាសន្ន ដូចតទៅ៖

  • 28,8% François Hollande /Parti Socialiste
  • 26,1% Nicolas Sarkozy /Union pour un Mouvement Populaire

  • 18,5% Marine Le pen /Front National
  • 11,7% Jean-Luc Melenchon /Front de gauche
  • 8,8% François Bayrou /Mouvement démocrate

  • 2,3% Eva Joly /Europe Écologie-Les Verts
  • 1,2% Phillipe Poutou /Nouveau parti anticapitaliste
  • 1,8% Nicolas Dupont-Aignan /Debout la République
  • 0,2% Jacques Cheminade /Solidarité et progrès
  • 0,6% Nathalie Arthaud /Lutte ouvrière

លទ្ធផលនេះនឹងអនុញ្ញតិអោយ បេក្ខជននាំមុខទាំងពីរ ហ្រង់ស័រ ហូឡង់ François Hollande និង នីកូឡា សារកូស្សី Nicolas Sarkozy ទៅជួបគ្នានៅជុំទីពីរ ដែលជាជុំផ្ដាច់ព្រាត់ នៅថ្ងៃ៦ឧសភាខាងមុខ ដើម្បីអោយប្រជាអ្នកបោះឆ្នោតបារាំង ប្រើសិទ្ធចុងក្រោយរបស់ខ្លួន ក្នុងការសំរេចថាអ្នកណា នឹងត្រូវក្លាយជាប្រធានាធិបតីនៃសាធារណរដ្ឋបារាំង សំរាប់អាណត្តិ ក្រោយ។ បេក្ខជនទាំងពីរ មានគំរោងតទល់ជួបមុខគ្នា នៅថ្ងៃពុធទី២ ខែឧសភាខាងមុខ នៅក្នុងកម្មវិធីទូរទស្សន៍ នៅចំពោះមុខ ប្រជាអ្នកបោះឆ្នោតបារាំង មុននឹងការបោះឆ្នោត បញ្ចប់នេះ។

ភ្លាមនោះការស្ទង់មតិ CSA ដ៏ថ្មីបំផុតមួយ សំរាប់បេក្ខជនទាំងពីរ ដើម្បីឈានទៅរកវគ្គផ្ដាច់ព្រាត់ បានបង្ហាញថា​ ហ្រង់ស័រ ហូឡង់ François Hollande អាចនាំមុខ ៥៦% ទល់នឹង នីកូឡា សារកូស្សី Nicolas Sarkozy ដែលអាចទទួលបាន​ត្រឹមតែ ៤៤% ប៉ុណ្ណោះ៕​

ដោយ ៖ មនោរម្យព័ងអាំងហ្វូ - ប៉ារីស ថ្ងៃទី ២៣ មេសា ២០១២
ប្រភពពត៌មាន ៖ lexpress.fr/ 20minutes.fr/ leparisien.fr/ lefigaro.fr
Crédit photo : affiches des candidats.



 

យោបល់ និងមតិ