Posts in ‘ភ្លេង ចំរៀង’ Category

ចម្រៀង​ផ្លូវការ​នៃ​បាល់ទាត់​ពិភពលោក ២០១៨ នៅ​រ៉ូស្ស៊ី

ចម្រៀង​ផ្លូវការ​នៃ​បាល់ទាត់​ពិភពលោក ២០១៨ នៅ​រ៉ូស្ស៊ី

ព្រឹត្តិការណ៍បាល់ទាត់ពិភពលោក ឆ្នាំ២០១៨ នៅក្នុងប្រទេសរ៉ូស្ស៊ី នឹងចាប់ផ្ដើមបើកប្រកួត នៅថ្ងៃទី១៤ ខែមិថុនា ឆាប់ៗខាងមុខនេះហើយ ខណៈក្រុមបាល់ទាត់ជម្រើសជាតិ ដែលទទួលបានសំបុត្រ ឡើងទៅទាត់នៅលើទឹកដី នៃប្រទេសមួយ ដែលមានផ្ទៃក្រឡាធំជាងគេក្នុងលោក ក៏កំពុងដុសខាត់​សំលៀងបច្ចេកទេស ទៅតាមក្រុមរៀងៗខ្លួនដែរ។

ចុះចម្រៀងផ្លូវការ របស់ព្រឹត្តិការណ៍ដ៏ធំមួយនេះ មានទិដ្ឋភាពបែបម៉េចទៅ? បន្ទាប់ពីត្រូវបានបង្ហើបចេញ ជាច្រើនទម្រង់ ទៅតាមពាក្យចចាមអារាមជាច្រើននោះ ចម្រៀងនេះ ទើបតែត្រូវបានទម្លាយ ចេញឲ្យដឹង កាលពីចុងខែឧសភា មុននេះប៉ុណ្ណោះ។ ចំណងជើងចម្រៀង ត្រូវបានសរសេរ​ជាភាសាអង់គ្លេសថា «Live it up» មានន័យជាខេមរភាសា «ចូររីករាយ ឲ្យបានខ្លាំងឡើង»។

ចម្រៀងនេះ ត្រូវបានតម្លើងទំនុកបទភ្លេង និងបកស្រាយដោយ តារាភាពយន្ដ និងជាសមិទ្ធិករភាពយន្ដ នៅហូលីវូដ លោក «Will Smith» - អ្នកឆ្នៃចាក់ភ្លេង លោក «DJ Nicky Jam» [...]

«ដេឌី» ចម្រៀង​ថ្មី​របស់ ព្សាយ កំពូល​តារា​ចម្រៀង​កូរ៉េ

អ្នកចម្រៀងជាតិកូរ៉េ ដ៏ល្បីពេញពិភពលោក ដាក់ឈ្មោះខ្លួនថា ព្សាយ (Psy) បានចេញឃ្លីបចម្រៀងថ្មី នៅក្នុង​ថ្ងៃ​អង្គារទី១ ខែធ្នូនេះ។ ចម្រៀង ដែលស្ថិតនៅក្នុង ថាសចម្រៀងទី៧នេះ បានចេញផ្សាយ នៅបីឆ្នាំបន្ទាប់ពីបទ ហ្គាំណាស្តាយ៍ ដែលមានប្រជាប្រិយ ជាងចម្រៀងណាៗទាំងអស់ នៅក្នុងប្រវត្តិសាស្ត្រចម្រៀង នៃ​ពិភពលោក។

តារាចម្រៀង ព្សាយ ដែលមានអាយុ៣៧ឆ្នាំ បានសម្ដែងចម្រៀងថ្មីរបស់ខ្លួន ដោយផ្ទាល់ នៅមុនការចេញ​ផ្សាយ នៅក្នុងការប្រគុំតន្ត្រីដ៏សម្បើមមួយ កាលពីថ្ងៃទី៣០ ខែវិច្ឆិកាកន្លងទៅ។

រីឯនៅក្នុងឃ្លីបចម្រៀងវិញ គេឃើញ ព្សាយ បានសម្ដែងតួជាកុមារផង ជាឪពុក និងជាជីតាផង។ ជាមួយនឹង​ការរៀបក្រឡា ដ៏ស័ក្ដិសម លាយឡំនឹងរូបភាពចម្រុះពណ៌ តារាចម្រៀង បានបង្កើតចង្វាក់រាំ«ប្រចាំត្រកូល» មួយ​បែប​ទៀត ដែលនៅតែគួរឲ្យទាក់ទាញ និងធ្វើឲ្យអ្នកផង ចង់រាំតាម ដូចចម្រៀងមុនៗរបស់ខ្លួន​ដដែល។

គ្រាន់តែរយៈពេល មិនដល់ពីរថ្ងៃស្រួលបួលផង ចម្រៀងថ្មីនេះ [...]

«បងអើយបង» របស់ សុន ចន្ថន មិន​ចាញ់ សាយចៃ

«បងអើយបង» របស់ សុន ចន្ថន មិន​ចាញ់ សាយចៃ

នៅថ្ងៃ ទី ២១ ខែ វិច្ឆិកា ឆ្នាំ២០១៥នេះ អ្នកនាង សុន ចន្ថន បានបង្ហាញវត្តមាន​ នៅក្នុងកម្មវីធី តន្រ្តីលើទឹក វគ្គទី ៧ «Water Music» ដែលរៀបចំឡើងដោយ ស្ថានីយ៍ទូរទស្សន៍ហង្សមាស ជាមួយអតីតបេក្ខជន បេក្ខនារីជាច្រើន របស់កម្មវីធី ខេមបូឌៀន អាយឌល ដើម្បីបង្ហើសូរសៀងកំដរអារម្មណ៍ទស្សនិជន។

នៅក្នុងកម្មវីនេះ អ្នកនាង សុន ចន្ថន បានលើកយកចម្រៀងមួយបទ មកច្រៀងរួម​ជាមួយនឹងកញ្ញា យ៉ង់ នីតា មាន ដែលមានចំណងជើងថា «បងអើយបង» ដែលជាសំនៀងដើម របស់តារាចម្រៀង​សំលេងរដឺន ខ្មែរសុរិន អ្នកនាង ចេន សាយចៃ ដែលកំពុងច្រៀន ក្នុងពេលនេះ ក្នុងផលិតកម្មថោន។

អ្នកនាង ចន្ថន មានវ័យ ៣១ ឆ្នាំ ត្រូវបានចាកចេញពីកម្មវីធី ខេមបូឌៀន អាយឌល ក្នុងសប្តាហ៍ទី៥ វគ្គ «Live show» នោះ ពេលដែលបកស្រាយបទចម្រៀងប្រជាប្រិយខ្មែរ ពិតជាពិរោះមិនចាញ់តារាអាជីពឡើយ រួម​ជា​មួយ​នឹងកាយវិកាយទៀត ពិតជាធ្វើឲ្យអ្នកទស្សនា ចាប់អារម្មណ៍មិនធម្មតា៕

--------------

» [...]

នាយ ចឹម យំ​ដាក់​ធុងបាស់

នាយ ចឹម យំ​ដាក់​ធុងបាស់

បន្ទាប់ពីបានទទួលកាគាំទ្រខ្លាំង តាមរយះបទ «ពុកអើយម៉ែអើយ នាងការចោលខ្ញុំហើយ»នោះ​មក ពេល​នេះ តារាកំប្លែងវ័យក្មេង ប្រចាំទូរទស្សន៍ CTN នាយ ចឺម បានបង្ហាញបទថ្មីរបស់ខ្លួន ដើម្បីជាចំណី​អាម្មរណ៍ ដល់​ទស្សនិជន តាមបទចម្រៀង បែបអភ័យស្នេហ៍ម្តងទៀតហើយ។

ចម្រៀង «យំដាក់បាស់ (ឬធុងបាស់)» ដែលជាស្នាដៃថ្មី នៃផលិតកម្ម សាន់ដេ ត្រូវបានដាក់បង្ហោះ ដើម្បីធ្វើការផ្សព្វផ្សាយ​ដំបូង កាលពីថ្ងៃទី២០ ខែវិច្ឆិកា ឆ្នាំ២០១៥កន្លងមកនេះ នៅលើបណ្ដាញសង្គម ហើយបានទាក់ទាញ​ប្រិយមិត្ត​ជាច្រើន ឲ្យធ្វើការគាំទ្រយ៉ាងច្រើនកុះករ។

តាមរយៈបទនេះ គេនឹងបានឮនាយ ចឺម ច្រៀងត្អូញត្អែរ «កំសត់វេទនា» រៀបរាប់ពី ការខូចចិត្តរបស់បុរសម្នាក់ ដែលត្រូវបានស្រីក្បត់ ទៅមានអ្នកថ្មី ព្រោះតែបុរសម្នាក់នោះ ព្រោះស្រលាញ់ស្រីស្អាត ហ៊ានចំណាយ​អស់​គោ​មួយក្រោល ជ្រូកមួយទ្រុង ហើយគេទៅចោលបាត់៕


» ចង់ដឹងថាបទនេះ មានអត្ថន័យយ៉ាងណា សូមទស្សនាទាំងអស់គ្នា៖

សុខ ពិសី ព្រមាន​ថា «រាង​(ឬ)​នៅ?» ក្នុង​ស្នាដៃ​ថ្មី

សុខ ពិសី ព្រមាន​ថា «រាង​(ឬ)​នៅ?» ក្នុង​ស្នាដៃ​ថ្មី

បើគេកម្រឃើញ តារាចម្រៀង សុខ ពិសី រាំកន្ត្រាក់ញ៉ាក់ តាមចម្រៀងរបស់នាងនោះ នៅពេលនេះ តារា​ចម្រៀង​ដ៏មានប្រជាប្រិយ នៅក្នុងចិត្តយុវវ័យរូបនេះ បានចេញបទញាក់សារជាថ្មី ជាមួយនិងក្បាច់រាំរបស់ខ្លួន បង្ក​ឲ្យ​ទស្សនិជន​ជាច្រើន មិនងាកមកចាប់អារម្មណ៍មិនបាន។

ជាចម្រៀងថ្មី របស់ផលិតកម្មសាន់ដេ ដែលតារាចម្រៀងសំនៀងស្រទន់ កញ្ញា សុខ ពិសី ដែលមានសាច់សខ្ចី ចេញមកបកស្រាយ។ ចម្រៀងនេះ មានចំណង់ជើងថា «រាង(ឬ)នៅ?»។ តារាចម្រៀងវ័យក្មេង ដែលតែង​ច្រៀង តែបទចម្រៀងបែបមនោសញ្ចាតនាកំសត់ និងបទប្រពៃណីខ្មែរតែប៉ុណ្ណោះ បានបកស្រាយចម្រៀងនេះ ជា​ចង្វាក់​ញ៉ាក់ ដោយភ្ជាប់នឹងក្បាច់រាំ ដ៏ប្លែកភ្នែកផងដែរ។

បទ «រាង(ឬ)នៅ?» នេះបានច្រៀងរៀបរាប់ ពីចិត្តសាវារបស់មនុស្សប្រុស ដែលក្បត់ចិត្តស្រីច្រើនស្ទើរាប់មិន អស់ តែចុងក្រោយក៏ត្រូវស្រីក្បត់វិញ ទើបធ្វើឲ្យ សុខ ពិសី សួរទៅបុរសម្នាក់នោះ ថា«ម៉េចរាងឬនៅ បង​ឯង?»។ នៅលើបណ្ដាញសង្គម ចម្រៀងនេះ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...