RSS
 

ព្រឹត្តិប័ត្រ និងអត្ថបទថ្មីៗបំផុត

យោបល់និងមតិថ្មីៗ

ព្យាករណ៍ឧត្តុនិយម

រូបភាពប្រចាំថ្ងៃ


by Monoroom
Jun 13, 2013

by Monoroom
Jun 11, 2013

អ្នកទស្សនា

30 user(s) are online (24 user(s) are browsing News)

Members: 0
Guests: 30

more...
ចែករំលែក
អត្ថបទនេះ

ហ្វ្រង់ស៊័រ ហូឡង់ François Hollande ក្លាយជាប្រធានាធិបតីទី៧ របស់បារាំង

Published on Tue 15 May, 2012 at 14:17 by សេក មនោរកុមារ. | 4317 views | Trackback

នៅព្រឹកថ្ងៃអង្គារទី១៥ ខែឧសភា ឆ្នាំ២០១២ វេលាម៉ោង ១០ម៉០០ លោកហ្វ្រង់ស៊័រ ហូឡង់បានដើរនៅលើកំរាលព្រំក្រហម ហើយបានចាប់ដៃ លោកប្រធានាធិបតីផុតតំណែង លោកនីកូឡា សាកូហ្សី ដែលបានចាំគាត់ នៅនឹងវិមានប្រធានាធិបតី អេលីហ្សេ ជាមួយនឹងបទភ្លេង ប្រគុំដោយកងកំលាំងប្រដាប់អាវុធបារាំង​ ដើម្បីចូលមកស្បថកាន់តំណែង ជាប្រធានាធិបតី ទី៧ នៃសារធារណរដ្ឋបារាំងទី៥នេះ។ ក្នុងឱកាសនោះ គេមិនបានលឺសំលេងហួចចំអក  ដែលចេញពីក្រុមអ្នកគាំទ្រលោក ប្រធានាធិបតីផុតតំណែងនោះទេ បើទោះជាមុនហ្នឹង គេបានលឺសំលេងហួច ចំអកអោយ គ្រប់ការមកដល់ នៃក្រុមសមាជិក គណបក្សសង្គមនិយមក៏ដោយ។

បន្ទាប់ពីជួបសន្ទនាគ្នាប្រហែលជា៤០នាទីក្រោយមក គេឃើញលោកនីកូឡា សាកូហ្សី និងភរិយារបស់គាត់ លោកស្រី កាឡា ប្រ៊ុយណី បានចាកចេញពីវិមានប្រធានាធិបតី។ រីឯលោកហ្វ្រង់ស៊័រ ហូឡង់ បានដើរចូលទៅក្នុងវិមានវិញ ហើយឈប់ នៅពីមុខលោក ហ្សង់ ល្វី ដឺប្រ៊ែ ប្រធាន​ក្រុមប្រឹក្សា​ធម្មនុញ្ញបារាំង ដែលនឹងប្រកាសលទ្ធផល នៃការបោះឆ្នោតដែល ប្រព្រឹត្តទៅកាលពីថ្ងៃទី០៦ ខែឧសភាកន្លងមក។ លោក ហ្សង់ ល្វី ដឺប្រ៊ែ​ បន្លឺទៅកាន់លោកហ្វ្រង់ស៊័រ ហូឡង់ ឡើងថា៖ «លោកជានិមិត្តរូប និងជាតំណាងរបស់សារធារណរដ្ឋបារាំង»។ លោកហ្វ្រង់ស៊័រ ហូឡង់ ស្ដាប់ការប្រកាសរបស់លោក ហ្សង់ ល្វី ដឺប្រ៊ែ ដោយមិនប្រព្រិចភ្នែកសោះឡើយ នៅក្រោមក្រសែភ្នែកកោតសសើររបស់ អ្នកចូលរួមទាំងអស់។ ពីនាទី នេះតទៅ គាត់បានក្លាយជា ប្រធានាធិបតីទី៧ នៃសារធារណរដ្ឋបារាំងទី៥ ហើយជាប្រធានាធិបតីទី២៤ រាប់ពី សារធារណរដ្ឋបារាំងទីមួយ ពោលគឺតាំងពីប្រធានាធិបតីទី១ លោកណាប៉ូឡេអុង ប៊ូណាប៉ាត់ មក។

លោកហ្វ្រង់ស៊័រ ហូឡង់ បានចាប់ផ្ដើមធ្វើសុន្ទរកថាលើកទីមួយរបស់គាត់ ទៅកាន់ប្រជាជាតិបារាំង ដែលមានន័យ ជាអាថទ៌ថា៖ «ថ្ងៃនេះ ខ្ញុំបានចូលមកកាន់តំណែង​ ហើយខ្ញុំសូមឆ្លៀតឱកាសនេះដើម្បីនិយាយទៅកាន់ ប្រជាជាតិបារាំង ទាំងមូល ពីសារនៃភាពទុកចិត្តមួយ។ យើងជាប្រទេសដ៏ធំមួយដែលបានឆ្លងកាត់វិញ្ញាសារជាច្រើន (...) ហើយភាពប្លែកគ្នា ដ៏សម្បូរបែបនេះ នឹងមិនត្រូវបានក្លាយជាភាពគ្មានសណ្ដាប់ធ្នាប់នោះទេ។» លោកហ្វ្រង់ស៊័រ ហូឡង់ ក៏បាននិយាយដល់ ផងដែរ ពីបញ្ហាជាច្រើនដែលតំបន់សហគមន៍អឺរ៉ុប បានកំពុងជួបប្រទះ។ «ប្រជាជាតិជាច្រើន ជាពិសេស ប្រជាជាតិនៅអឺរ៉ុប កំពុងតែសំលឹងមើលយើង» គឺជាសារមួយផ្ញើរដោយមិនចំមុខ ទៅលោកស្រី អង់ជឺឡា មែរគែល ទេសាភិបាលអាឡឺម៉ង់ ដែលលោក ហ្វ្រង់ស៊័រ ហូឡង់ ត្រៀមនឹងទៅជួម នាប៉ុន្មានម៉ោងខាងមុខនេះ។

លោកហ្វ្រង់ស៊័រ ហូឡង់ក៏បានរំលឹកផងដែរ ពីរាល់វីរភាពរបស់ប្រធានាធិបតីមុនៗ ដូចជា លោកអតីតប្រធានាធិបតី ហ្សីស្កា ដែលនិយាយពី «ទំនើបកម្ម និងសង្គម» លោកឆៀរ៉ាក់ និយាយពី «ការការពារ ពីតំលៃរបស់សារធារណរដ្ឋ» នោះជាដើម។ ចំណែកឯលោកនីកូឡា សាកូហ្សី លោកហ្វ្រង់ស៊័រ ហូឡង់ ​បានជូនពរ សូមអោយជួបតែសំណាងល្អ ក្នុងជីវិតថ្មីរបស់គាត់។

វិមានប្រធានាធិបតីបារាំង អេលឺហ្សេ បានទទួលនៅថ្ងៃនេះជាផ្លូវការ គូរកំណាន់ប្រធានាធិបតីថ្មី ហើយត្រៀមរៀបចំ ពិធីការជាច្រើន សំរាប់អបអរសារទពួកគាត់ តែផ្ទុយទៅវិញ គេមើលឃើញលោកហ្វ្រង់ស៊័រ ហូឡង់ ដូចជាមិនសូវជា គោរពតាម ប៉ុន្មាននោះទេ៕

ដោយ ៖ មនោរម្យព័ងអាំងហ្វូ - ប៉ារីស ថ្ងៃទី ១៥ ខែឧសភា ២០១២
Crédit photo : petites-phrases.com

 

យោបល់ និងមតិ

 

អត្ថបទទាក់ទងផ្សេងទៀត

ជម្រើសព្រឹត្តិប័ត្របច្ចុប្បន្នភាព

គ.ជ.ប ហាម​បក្ស​ទាំងអស់ កុំ​យក​លេស​ឃោសនា​បោះ​ឆ្នោត​ធ្វើ​បាតុកម្ម

បាញ់​សម្លាប់ ឈុត វុទ្ធី៖ ក្រុម​សកម្មជន​ការពារ​ព្រៃ ប្រជុំ​គ្នា​រំលឹក​ខួប​២​ឆ្នាំ

មន្ត្រី​រាជ​អាវុធ​ហត្ថ​វាយ​ដុំ​អ្នក​កាសែត ពេល​ចុះ​អង្កេត​បទ​ល្មើស​ព្រៃ​ឈើ

អ៊ូ វីរៈ៖ បិទ​គ្រប់​ទី​កន្លែង គ្រប់​ពេល​វេលា បង្ហាញ​ថា​រដ្ឋាភិបាល​ផ្តាច់​ការ

អាជ្ញាធរ​​មិន​​អនុញ្ញាត តែ មួរ សុខហួរ នឹង​​បន្ត​ទៅ​ទី​លាន​ប្រជាធិបតេយ្យ

មន្រ្តី​ខណ្ឌ​សែន​សុខ មិន​ភ្ញាក់​ផ្អើល​ចំពោះ​បណ្តឹង​របស់​យាយ​ក្រពើ

ការ​រុករក​យន្ដហោះ​បាត់​ខ្លួន ឈាន​មក​ដល់​ដំណាក់​កាល​«បារម្ភ»​ថ្មី

» ច្រើនទៀត

តាមពាក្យគន្លឹះ៖ François Hollande

ជំនួបកំពូល ហ្សេ៨ G8 រវាងមេដឹកនាំ នៃប្រទេសមាន ឧស្សាហកម្មរីកចំរើន

ស៊ីរី៖ អាមេរិក​និង​បារាំង​ត្រៀម​វាយ ទីក្រុង​ដាម៉ាស​ថា ម្រាម​ដៃ​ចាំ​តែ​កេះ​កៃ​ទទួល

ប្រតិកម្ម​នៃ​មេ​ដឹកនាំ​ធំៗ ជុំ​វិញ​មរណភាព​នែលសុន មែនឌឺឡា

បូក​សរុប​ចុង​ឆ្នាំ​២០១២៖ ព្រឹត្តិការណ៍​សំខាន់ៗ​កន្លង​មក ក្នុង​ពិភពលោក​ (ភាគ១)

បារាំង៖ បាតុកម្ម​ប្រឆាំង «អាពាហ៍​​ពិពាហ៍​សម្រាប់​គ្រប់​រូប»​នៃអ្នក​មាន​ភេទ​ដូច​គ្នា

បារាំង៖ អ្នក​ប្រឆាំង​នឹង​«អាពាហ៍​​​ពិពាហ៍​»​​នៃ​អ្នក​​មាន​​ភេទ​​ដូច​​គ្នា ប្ដេជ្ញា​មិន​រាថយ

បារាំង-អាពាហ៍​ពិពាហ៍នៃ​​ភេទ​ដូចគ្នា៖ អំពើហឹង្សា​ផ្ទុះទៀត បន្ទាប់​ពី​បាតុកម្ម​ដ៏​ធំ

» ច្រើនទៀត

បច្ចុប្បន្នភាព ក្នុងពិភពលោកទាំងមូល

ឃាត់​ខ្លួន​មេបញ្ជាការ​នាវា​ចម្លង ដែល​បាន​លិច​ក្នុង​សមុទ្រ​កូរ៉េ​ខាង​ត្បូង

កឹម សុខា ថា ហ៊ុន សែន តាម​សម្លាប់​រូប​លោក​ជិត​ដប់​ឆ្នាំ

សាលា​រាជធានី ពិចារណា​សំណើរ​បក្ស​សង្រ្គោះ​ជាតិ សុំ​កន្លែង​ឃោសនា

អ្នកវិភាគ៖ គ្រោះ​ថ្នាក់​ចរាចរណ៍​កើន​ឡើង ព្រោះ​វិធានការ​អាជ្ញាធរ​ខ្សោយ

កម្ពុជា៖ គណៈរដ្ឋមន្រ្តី​ពិភាក្សា​ផ្តោត​សំខាន់ លើ​ប្រព័ន្ធ​យុត្តិធម៌

រដ្ឋាភិបាល៖ ការ​ឡើង​ថ្លៃ​សំបុត្រ​ឡាន​ក្រុង ជា​សេរីភាព​នៃ​អ្នក​ធ្វើ​អាជីវកម្ម

ផៃ ស៊ីផាន៖ ការ​លើក​ឡើង​ពី​សាលា​ក្តី​ខ្មែរ​ក្រហម​របស់​បក្ស​ប្រឆាំង ជា​ភាព​ល្ងង់​ខ្លៅ

» ច្រើនទៀត

តំបន់ពិសេស
​​​​ ខ្សែរភ្ជាប់ បើកសោរចូល/ចុះឈ្មោះ

   កន្លែងភ្ជាប់ចូល៖

   
   
     ចងចាំខ្ញុំ  

   » ភ្លេចពាក្យសម្ងាត់ឬ?
   » ចុះឈ្មោះជាសមាជិក
ទូរសារអេឡិចត្រូនិក