មហា​សេដ្ឋី​រ៉ូស្សី ប៉ូឡូស្គី ត្រូវ​បាន​ដោះ​លែង​នៅ​ក្រៅ​ឃុំ ចាំ​ការ​កាត់​ក្ដី

អ្នកដែលជួយលោកអោយចេញពីពន្ធនាគារ ជាអតីតជនជាតិរូស្សីមួយរូប ដែលរស់នៅក្នុងប្រទេសកម្ពុជា មកជាយូរ និង​មាន​សញ្ជាតិជាកម្ពុជា។ លោកនីកូឡា ដូរ៉ូឆិនកូ (Nikolaï Dorochenko) ជាទីប្រឹក្សាររបស់នាយករដ្ឋមន្ត្រីខ្មែរនោះ បានបង់​ប្រាក់​កក់ទៅអោយអាជ្ញាធរ ក្នុងចំនួន ៥០ ០០០ដុល្លា។ លោកធ្លាប់ជាដៃគូរ រកទទួលទានជាមួយ លោកប៉ូឡូស្គី ហើយលោកមាន កូន​ប្រុសម្នាក់ បច្ចុប្បន្នជាភ្នាក់ងារនគរបាលកម្ពុជាផង។
Loading...
  • ដោយ: កេសរ កូល
  • កែប្រែចុងក្រោយ: April 05, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មហាសេដ្ឋីជនជាតិរ៉ូស្សី លោក ស៊ែរហ្គៃ ប៉ូឡូស្គី (Sergueï Polonski) ត្រូវបានដោះលែង កាលពីថ្ងៃពុធទី០៣ខែមសានេះ នៅបន្ទាប់ពីបានជាប់នៅក្នុងពន្ធនាគារ ក្នុងប្រទេសកម្ពុជា ចំនួនបីខែរួចមក។


លោក ស៊ែរហ្គៃ ប៉ូឡូស្គី ជាអ្នកជំនួញជនជាតិរ៉ូស្សីដ៏ធំម្នាក់។ (AP Photo/Mikhail Metzel)

នៅលើទំព័រហ្វេសប៊ុក របស់លោក អាឡិសដ្រ៍ ដូប្រូវិនស្គី (Alexandre Dobrovinskiï) មេធាវីការពារក្ដីលោក ស៊ែរហ្គៃ បាន​សរសេរក្នុងថ្ងៃដដែលនេះ ថា «កម្ពុជា ក្រុងព្រះសីហនុ នៅម៉ោង១១និង០៧នាទី លោក ស៊ែរហ្គៃ ប៉ូឡូស្គី ត្រូវបានដោះលែង និងចេញពីពន្ធនាគារ ទីកន្លែងដែលបានឃុំរូបលោក ជាងបីខែ។ អរគុណ ដល់អ្នកដែលបានគាំទ្រ នៅពេលវេលា​ដ៏អាក្រក់​នេះ។ គឺជាជ័យជំនះមួយ។»

អ្នកដែលជួយលោកអោយចេញពីពន្ធនាគារ ជាអតីតជនជាតិរូស្សីមួយរូប ដែលរស់នៅក្នុងប្រទេសកម្ពុជា មកជាយូរ និង​មាន​សញ្ជាតិជាកម្ពុជា។ លោកនីកូឡា ដូរ៉ូឆិនកូ (Nikolaï Dorochenko) ជាទីប្រឹក្សាររបស់នាយករដ្ឋមន្ត្រីខ្មែរនោះ បានបង់​ប្រាក់​កក់ទៅអោយអាជ្ញាធរ ក្នុងចំនួន ៥០ ០០០ដុល្លា។ លោកធ្លាប់ជាដៃគូរ រកទទួលទានជាមួយ លោកប៉ូឡូស្គី ហើយ​លោកមានកូន​ប្រុសម្នាក់ ជាភ្នាក់ងារនគរបាលកម្ពុជាផង។ លោកដូរ៉ូឆិនកូ បានបញ្ចាក់ថា «ក្នុងនាមជាជនជាតិកម្ពុជា កូន​ខ្ញុំនិងខ្ញុំបាន​ចេញមុខធានា ប៉ូឡូស្គី ដែលត្រូវជាប់ទោស រហូតដល់ពេលកំណត់មួយ»។

នៅមុនមួយថ្ងៃនៃការដោះលែង អាជ្ញាធរខ្មែរ បានទទួលយល់ព្រម សំនើរនៅក្រៅឃុំនេះ ស្នើរសុំដោយតំណាងអ្នកការទូត​រ៉ូស្សីនៅភ្នំពេញ និងលោកតំណាងរាស្ត្រ អាឡិស៊ៃ ឆេប៉ា (Alexeï Tchepa)។ នៅព្រឹកថ្ងៃទី០៣ខែមេសា មេធាវីការពារក្ដី​លោក ប៉ូឡូស្គី បានថ្លែងថា បានទទួលសំបុត្ររបស់ក្រសួងយុត្តិធម៌កម្ពុជា ថាបានយល់ព្រមដោះលែងមហាសេដ្ឋី ដោយ​បង់​ប្រាក់​កក់ និងមានអ្នកធានាចំនួនពីរនាក់ តែថាត្រូវស្ថិតក្រោមលក្ខខ័ណ្ឌមួយចំនួន ក្នុងនោះ លោកប៉ូឡូស្គី ត្រូវនៅក្នុង​ប្រទេស​កម្ពុជា និងសរសេរសំបុត្រមួយ សន្យាថាមិនធ្វើសកម្មភាពអ្វី ប្រឆាំងព្រះមហាក្សត្រ នាយករដ្ឋមន្ត្រី ប្រព័ន្ធយុត្តិធម៌ និង​ប្រជាជនខ្មែរ។ សំបុត្ររបស់ក្រសួងយុត្តិធម៌ បានបញ្ចាក់ជាចុងក្រោយថា «លោកប៉ូឡូស្គីអាចមានចេញពីពន្ធនាគារ ចាប់​ពីថ្ងៃនេះ  និងអាចត្រឡប់ទៅលំនៅដ្ឋានគាត់ នៅលើកោះវិញបាន ក្នុងពេលរងចាំការកាត់ក្ដី»។

លោកស៊ែរហ្គៃ ប៉ូឡូស្គី និងមិត្តភ័ក្រពីរនាក់ទៀត ត្រូវបាននគរបាលខ្មែរឃាត់ខ្លួន នៅថ្ងៃ៣១ធ្នូឆ្នាំ២០១២ ពីបទបង្ខាំង​មនុស្ស​ខុសច្បាប់ គម្រាមដោយប្រើកាំបិត  និងបានបោះអ្នកធ្វើការនៅលើទូកកាណូត ដែលលោកជួលមកជិះកំសាន្ដ ចូលទៅក្នុង​សមុទ្រ។ សូមអានអត្ថបទ ដែលទាក់ទងនឹងបុរសលេងខ្លួន យ៉េៗ រូបនេះ ដោយចុចលើទីនេះ

មិត្តភ័ក្រលោកប៉ូឡូស្គី ពីររូបត្រូវបានតុលាការដោះលែងអោយរួចខ្លួន ដោយរកមិនឃើញភស្ដុតាង ដើម្បីដាក់បន្ទុក។ អ្នក​តំណាងរាស្ត្រ អាឡិស៊ៃ ឆេប៉ា បានថ្លែងទៅកាន់អ្នកកាសែតថា «បើគាត់មានអត្តចរិកត្រឹមត្រូវ គាត់ប្រហែលត្រូវបាន​ដោះ​លែង តាំងពីមុននេះ ហើយសវនាការកាត់ក្ដី ក្នុងសាលាដំបូង ប្រហែលជាបានបញ្ចប់រួចទៅហើយ»។ ប៉ុន្តែនៅ​សប្ដាហ៍​ខាងមុខ ប៉ូឡូស្គី នឹងត្រូវត្រឡប់មកអង្គុយ នៅលើកៅអីជនជាប់ចោទជាថ្មីទៀត ដើម្បីរងចាំការកាត់ទោស ដែលលើកនេះ តុលាការទំនងជានឹងអោយគាត់រួចខ្លួន ហើយសំនុំរឿងនឹងត្រូវបិតបញ្ចប់៕

-----------------------------------------------
ដោយ ៖ កេសរកូល - ភ្នំពេញ ថ្ងៃទី០៤ ខែមេសា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...