ហ្វីលីពីន៖ មនុស្ស១៤នាក់​ស្លាប់​ក្នុង​ការ​ប្រយុទ្ធ​ដ៏​សម្បើម

មេបញ្ជាការកងទ័ពមួយរូប បានថ្លែងកាលពីថ្ងៃអាទិត្យទី២៦ខែឧសភាថា យ៉ាងហោចណាស់ទាហាន និងសកម្មជនប្រយុទ្ធ នៃក្រុមអាប៊ូ សៃយ៉ាហ្វ (Abou Sayyaf) ចំនួន១៤នាក់ ត្រូវបានសម្លាប់ នៅក្នុងការជួបប្រយុទ្ធដ៏សម្បើម ដែលបានកើតឡើង ខណៈមានការស្វែងរកការដោះលែង ជនចំណាប់ខ្មាំង៦នាក់ (ជាជនបរទេស និងហ្វីលីពីន) ពីក្នុងដៃពួកឧទ្ទាម។
Loading...
  • ដោយ: កេសរ កូល
  • កែប្រែចុងក្រោយ: May 27, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មេបញ្ជាការកងទ័ពមួយរូប បានថ្លែងកាលពីថ្ងៃអាទិត្យទី២៦ខែឧសភាថា យ៉ាងហោចណាស់ទាហាន និងសកម្មជនប្រយុទ្ធ នៃក្រុមអាប៊ូ សៃយ៉ាហ្វ (Abou Sayyaf) ចំនួន១៤នាក់ ត្រូវបានសម្លាប់ នៅក្នុងការជួបប្រយុទ្ធដ៏សម្បើម ដែលបានកើតឡើង ខណៈមានការស្វែងរកការដោះលែង ជនចំណាប់ខ្មាំង៦នាក់ (ជាជនបរទេស និងហ្វីលីពីន) ពីក្នុងដៃពួកឧទ្ទាម។


សាកសពទាហាន និងក្រុមឧទ្ទាម មុននឹងដាក់បញ្ជូនតាមយន្ដហោះទៅទីក្រុងម៉ានីល។

យុទ្ធនាការយោធាបានចាប់ផ្ដើមនៅថ្ងៃសៅរ៍ និងមានទទួលការគាំទ្រពីសហរដ្ឋអាមេរិកផង បានបង្ខំឲ្យសកម្មជនប្រយុទ្ធ ដែលមានជាប់ទាក់ទងនឹងបណ្ដាញភេវរនិយមអាល់កៃដា (al-Qaïda) ឲ្យបញ្ឈប់ការចាប់ពង្រត់ចំណាប់ខ្មាំង នៅខាងត្បូង​ប្រទេស។

កងទ័ព៧នាក់ និងកងស្ម័គ្រប្រយុទ្ធរបស់អាប៊ូ សៃយ៉ាហ្វ ៧នាក់ដែរ ត្រូវបានសម្លាប់ នៅក្នុងការបាញ់ទៅវិញទៅមក ដែល​មានរយៈពេលប្រមាណជាមួយម៉ោង នៅក្នុងតំបន់តូចមួយមិនសូវមានមនុស្សនៅ ជាប់នឹងឆ្នេរសមុទ្រ។ ប្រភពស្និតនឹង​កងទ័ព បានបន្ថែមទៀតថា ទាហាន៦នាក់ និងកងឧទ្ទាមច្រើនជាង១០នាក់ ទំនងជារងរបួស។

កងទ័ពរបស់រដ្ឋាភិបាលហ្វីលីពីន ដែលមានការគាំទ្រពីឧទ្ធម្ភាគចក្រចម្បាំងផង បានវាយសន្ធាប់ទៅលើក្រុម​សកម្មជន​ប្រយុទ្ធ ហើយបណ្ដាលឲ្យក្រុមនេះបង្ខំចិត្តរត់គេចខ្លួន។ ក្រុមនេះទំនងជាដឹកនាំដោយ ជូល-អាស្បន សាវ៉ាជ្យាអាន (Jul​-Aswan Sawadjaan) ដែលធ្លាប់ត្រូវបានចោទពីការចាប់ពង្រត់អ្នកកាសែតហ្សកដានីម្នាក់ និងអ្នកកាសែតអ៊ឺរ៉ុប​ពីរ​នាក់​ទៀត។

សាកសពកងទ័ពពលីទាំងអស់ ត្រូវបាននាំកាន់ទីក្រុងម៉ានីល តាមយន្ដហោះនៅថ្ងៃអាទិត្យ។ នេះជាការវាយប្រហារ​ចុង​ក្រោយបង្អស់ របស់កងទ័ពប្រទេសហ្វីលីពីន ក្នុងគោលបំណងរំដោះចំណាប់ខ្មាំង បីនាក់ជាជនជាតិបរទេស ដែលត្រូវ​បានចាប់កាលពីឆ្នាំទៅម៉ិញ និងបីនាក់ទៀតជាជនជាតិហ្វីលីពីន ដែលត្រូវបានចាប់ខ្លួនផ្សេងៗគ្នា កាលពីប៉ុន្មានសប្ដាហ៍​ចុងក្រោយនេះ៕

-------------------------------------------------
ដោយ ៖ កេសរកូល - ភ្នំពេញ ថ្ងៃទី២៦ ខែឧសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...