បើទោះបីជាទស្សនិកជនមើលឃើញថា កញ្ញា ពេជ្រ សោភា កំពុងតែជួបរឿងក្រៀមក្រំក៏ដោយ តែតាមហ្វេសប៊ុក​របស់នាង មើលទៅនាង មិនបង្ហាញអារម្មណ៏ក្រៀមក្រំអ្វីនោះទេ។ ជាពិសេសជាងនេះទៅទៀត ថ្មីៗនេះ ពេជ្រ សោភា បានលេង«ស្ទីល»តែងមុខថ្មី ក្មេងជាងមុន មើលសឹងតែមិនចង់ស្គាល់។

កញ្ញា ពេជ្រ សោភា អ្នកចម្រៀង របស់ផលិកម្មហង្សមាស។ (រូបថត ហ្វេសប៊ុក)

តារា - ជាមួយរូបថតជាច្រើនសន្លឹក ដែលបង្ហោះក្នុងគណនីហ្វេសប៊ុករបស់ខ្លួន ជាមួយនឹងរចនាបទផាត់មុខថ្មី ពេជ្រ សោភា មើលទៅប្រៀបបាន តារាកូរ៉េវ័យ១៧ឆ្នាំ។ បើទោះបីជាវ័យរបស់កញ្ញា កាន់តែជ្រេបន្តិចមែន តែរូមសម្ផស្ស​របស់កញ្ញានៅតែស្រស់ស្អាត បាន ឆក់ដួងចិត្តបុរសមិនតិចនោះទេ។ តែគួរឱ្យស្តាយ ដែលកញ្ញាមានម្ចាស់ចិត្តរួច​ទៅ​ហើយ។

ក្នុងពេលថ្មីៗនេះ ចម្រៀងស្រីពូកែរាំរែករូបនេះ ហាក់ជួបទុក្ខផ្ទួនៗគ្នា ព្រោះឪពុកកំពុងតែឈឺធ្ងន់ នៅឯមន្ទីរពេទ្យ​ឯ​ណោះ។ រីឯម្ចាស់ស្នេហ៍ ដែលទើបនឹងភ្ជាប់ពាក្យថ្មីថ្មោង ក៏នៅឆ្ងាយពីនាងដូចមេឃ និងដីថែមទៀត។ លើសពីនេះ​ទៅទៀត នាងក៏ត្រូវរងការគម្រាមកំហែង ពីសំណាក់អ្នកដែលធ្លាប់រួមដំបូងផ្ទះតែមួយ គឺប៉ីប៉ីឌី តារាហ្វេសប៊ុកល្បី​ឈ្មោះ ដែលចង់កូកកាយបើកទម្លាយរឿងអាស្រូវរបស់នាង ទោះបីជា ប៉ីប៉ីឌី មិនបានបញ្ចេញអត្តសញ្ញាណ តែគេ​ប្រាកដណាស់ថា តារាស្រីម្នាក់ដែលប៉ីប៉ីឌី ចប់បកអាក្រាតនោះ គឺកញ្ញា ពេជ្រ សោភា នេះតែម្ដង។

យ៉ាងណាក៏ដោយ ការលេងស្តាយថ្មីរបស់នាង ត្រូវទទួលបានការស្ងើចសរសើរពីអ្នកគាំទ្រ និងតារាហ្វេស​យ៉ាងព្រោងព្រាត៕

សូមទស្សនារូបភាពរបស់នាង ដែលផ្សព្វផ្សាយលើបណ្ដាញសង្គម ដូចតទៅ៖